Sunday, 21 April 2013
Friday, 19 April 2013
༄༅། །ཤོག་རྕལ་རབ་ཏུ་རྫོགས་པའི་མཁའ་ལྡིང་གི །འགྲོད་པའི་ལམ་དུ་བྱིའུས་རྩོལ་བ། ཧ་ཧ།
༄༅། །ཤོག་རྕལ་རབ་ཏུ་རྫོགས་པའི་མཁའ་ལྡིང་གི །འགྲོད་པའི་ལམ་དུ་བྱིའུས་རྩོལ་བ།
ཧ་ཧ།
༄༅། །སྔ་མོ་ངས་ཆུང་དུས་གནས་ཆུང་ཆོས་སྤྱོད་དཔེ་ཆའི་ནང་༸རྒྱལ་དབང་ལྔ་པའི་གསུང་རྫོགས་ཆེན་དཔེ་ཞིག་མཇལ་མྱོང་བའི་ནང་།
མཐོང་ཚད་སེམས་སུ་སྨྲ་བའི་ཕྱག་ཆེན་པ། །སེམས་ཀྱང་བེམ་པོ་ཐལ་བའི་འགལ་ཟླུམ་འཕྲེང་། །ལུགས་སྲོལ་དེ་འདྲ་འདི་རུ་འདྲངས་མི་བྱ།
།གསུངས་པ་ཞིག་ཡོད་པས། ད་དེའི་ལུང་ཁུངས་རྣམས་དེང་སང་ཀློག་བཞིན་ཡོད་དེ་འདི་འདྲ་འདུག །ཐེག་མཛོད་པོད་སྨད་ཆ་དར་ཐང་དཔར་མ་ཤོགས་གྲངས་༡༩༥འདིར་ཁ་ཅིག་སྣང་བ་སེམས་སུ་ངོ་སྤྲོད།
སེམས་སྟོང་པར་ངོ་སྤྲོད་ཅིང་། ངོ་སྤྲོད་སྤྲས་པ་ལས། ཨེ་མོ་ཧོ་སྣང་བ་སེམས་སུ་ངོ་སྤྲད་པས་སེམས་ལ་བྱེན་ཚུད།
སེམས་ཉིད་སྟོང་པར་ངོ་སྤྲད་པས་སྟོང་པ་བདེ་བའི་རྒྱས་གདབ། སྟོང་པ་རིག་པར་ངོ་སྤྲད་པས། རིག་ཉིད་དབྱིངས་དང་གཉིས་སུ་མེད་དེ་ཁོ་ན་ཆོས་སྐུའོ་ཞེས་པའི་ཚིག་ལ་དོན་རང་མཚན་དུ་ཞེན་པར་སྣང་སྟེ།
འདི་ལ་དགོངས་གཞི། དགོས་ཆེད། དངོས་ལ་གནོད་བྱེད་ཀྱི་ཚད་མ་དང་གསུམ་ཡོད་པས་སྙིང་ཏིག་གི་དགོངས་པའི་ཕྱོགས་ལ་མི་ཉེ་བ་ཡིན་ནོ།
།དགོངས་གཞི་ནི། ཞེས་པ་ནས་མདོར་བསྡུ་ན། སྣང་བ་སེམས་སུ་འདོད་པ་འདི་ལོག་རྟོག་གི་མུན་པ་ཆེན་པོ་ཡིན་པས་བསལ་དགོས་སོ།
།ཞེས་གསུངས་པས། རྫོགས་ཆེན་སྙིང་ཏིག་པས་ཀྱང་དབུ་མ་ཐལ་གྱུར་པ་ལྟར་ཕྱི་དོན་བཞེད་པ་ལ་དོགས་པ་མིན་འདུག་གོ
།འོ་ན་འདི་པའི་ལུགས་ལ་སྣང་བ་རྣམས་ཇི་ལྟར་ཡིན་ཞེ་ན། ཤོགས་གྲངས་༡༩༤རྒྱབ་གཟིགས་འདི་ཉིད་ལས།
སྣང་བ་སེམས་ཀྱི་རོལ་པར་ངོ་སྤྲད། རོལ་པ་གཞི་མེད་གསལ་སྣང་དུ་ངོ་སྤྲད། གསལ་སྣང་དུ་བཟུང་ན་འཁྲུལ་པ་ངོ་སྤྲད།
མ་བཟུང་རང་གསལ་མེད་སྣང་དུ་ངོ་སྤྲད་པས་ཕྱི་ཡུལ་སྣང་སེམས་དང་གཞན་དུ་མ་གྲུབ་པར་ཐག་ཆོད་པས་འཁོར་བར་སྐྱེ་བའི་ཡུལ་སྟོངས་པའོ།
།ཞེས་སོགས་གསུངས་སོ། །མདོར་ན་སྣང་བ་སེམས་ཀྱི་རོལ་པ་གསུངས་པ་ལས་སེམས་མ་ཡིན་པར་གསུངས་སོ།
།འདི་ཕྱིས་འཇིག་གླིང་དང་༸གོང་ས་ལྔ་པས་སྐྱར་ནན་གནང་པའི་དགོས་པ་ཆེན་པོ་ཡོད་དེ། གཞན་དུ་མན་ངག་ཟབ་མོའི་ལོག་རྟོག་དྲངས་སྲིད་དོ།
།
Subscribe to:
Comments (Atom)