༈ དགོངས་གཅིག་ཆོས་འཁོར་འཚོམས་༣༠ལས་རྡོ་རྗེའི་གསུང་༨པ། ཐེག་པ་སྣ་ཚོགས་སྟོན་པ་ཉིད་ངེས་དོན་ཆོས་ཀྱི་འཁོར་ལོ།
།ཞེས་བྱ་བ་འདི་ལ་མི་འདྲ་བ་མིན་འདུག །སྤྱིར་བཏང་བྱས་ན་འཁོར་ལོ་ཐ་མ་འདི་ལ་ལེགས་པར་རྣམ་འབྱེད་དང་ངེས་དོན་གྱི་འཁོར་ལོ་ཞེས་གཉིས་སུ་བཞེད།།
།།
༈ དགོངས་གཅིག་རྡོ་རྗེའི་གསུང་༩པ། མཐའ་དྲུག་ཏུ་གསུངས་པ་ཐམས་ཅད་ངེས་དོན་འབའ་ཞིག
།ཅེས་བྱ་བ་འདི་ལ་དམིགས་གསལ་མི་འདྲ་བ་མིན་འདུག་སྟེ། དེ་ནི་དྲུག་པོ་༼དྲང་དོན་དང་ངེས་དོན།
དགོངས་པ་ཅན་དང་དགོངས་མིན། སྒྲ་ཇི་བཞིན་དང་སྒྲ་ཇི་བཞིན་མ་ཡིན་པ།༽ཐམས་ཅད་གདུལ་བྱའི་དོན་ལ་མི་བསླུ་བར་ངེས་པས་ན་ངོས་ངེས་དོན་དུ་བཞག་འདུག།
།།
༈ དགོངས་གཅིག་རྡོ་རྗེའི་གསུང་༡༠པ། སེམས་ཙམ་སྟོན་པའི་བཀའ་ཉིད་དབུ་མ་སྟོན།
ཞེས་བྱ་བ་འདི་ལ་མི་འདྲ་བ་འདུག །དེའི་རྒྱུ་མཚན་རྒྱལ་བའི་བཀའ་དང་དགོངས་འགྲེལ་མཁན་པོ།
ཕག་མོ་གྲུབ་པའི་གསུང་བཅས་གསུམ་གསུངས་པའི་གཉིས་པར། དུས་རྒྱུན་དབུ་མ་རྩ་ཤེའི་བཤད་བྱ་རྩ་བའི་མདོ་ཡུམ་མདོ་ཡིན་བསམ་ཡང་།
འདིར། བྱེ་བྲག་ཏུ་དབུ་མ་རྩ་བའི་ཤེས་རབ་ནི་ལང་ཀར་གཤེགས་པ་ཁོ་ན་ལ་བརྟེན་ནས་མཛད། ཅེས་གསུངས་པ་མཁན་པོས་གསུངས་དོན།
དབུ་མ་རྩ་བའི་ཚིག་ནང་ཡུམ་གྱི་རྩ་ཚིག་ཀཏྱན་ཞེས་པའི་ཚིག་འདི་མ་གཏོགས་རྩ་ཚིག་གཅིག་ཀྱང་མེད།
དེ་བཞིན་ལང་གཤེགས་བོད་དུ་ཆ་ཚང་བསྒྱུར་མ་ཐུབ་པ་མ་གཏོགས་ལང་གཤེགས་ལ་ལེའུ་༢༧ཡོད་པ་དེའི་འགྲེལ་པ་རྩ་ཤེ་ལའང་རབ་འབྱེད་ཉེར་བདུན་ཡོད་པ་སོགས་གསུངས།
།དེ་བཞིན་ཟླ་བ་གྲགས་པས་ཀྱང་། དབུ་མ་འཇུག་པ་ས་བཅུའི་མདོ་ཁོ་ན་ལ་བརྟེན་ནས་མཛད་པས། ཞེས་གསུངས་པས་དུས་རྒྱུན་འཇུག་པ་རྩ་ཤེའི་དོན་འགྲེལ་དུ་གསུངས་ཀྱང་འདིར་མདོ་སྡེ་ས་བཅུའི་འགྲེལ་པར་གསུངས།
དེས་ན་ལང་གཤེགས་སེམས་ཙམ་སྟོན་པའི་མདོ་དང་། ས་བཅུ་ཕལ་ཆེན་གྱི་ནང་གསེས་དང་ཕལ་ཆེན་ཀྱང་སེམས་ཙམ་གྱི་མདོ་ཡིན་པས།
སེམས་ཙམ་སྟོན་པའི་བཀའ་ཉིད་དབུ་མ་སྟོན་པའི་བཀར་ངེས། །ཞེས་གསུངས་སོ།། །།
༈ དགོངས་གཅིག་རྡོ་རྗེའི་གསུང་༡༡པ། ལོག་པའི་ཀུན་རྫོབ་ཀྱིས་ཀྱང་དོན་བྱེད་ནུས།
ཞེས་བྱ་བ་ཡང་ལོག་དེ་ནི་མཁས་པ་སོ་སོའི་བཞེད་ཚུལ་ཡིན་པ་འདྲ་སྟེ། དུས་རྒྱུན་དཔེར་ན་ཟླ་བ་ཟླ་བའི་དོན་བྱེད་ནུས་པ་དང་པོ་དང་།
ཆུ་ཟླ་ཟླ་བའི་དོན་བྱེད་མི་ནུས་པ་གཉིས་པ་ལྟ་བུ་ཡིན་རུང་། །འདིར་དགེ་བ་རྣམས་དང་པོ་དང་།
སྡིག་པ་རྣམས་གཉིས་པར་གསུངས་པ་དང་། །དཔལ་སྤྲུལ་གྱིས་གསང་སྙིང་རྗེས་སུ་འབྲངས་ནས་དག་མཉམ་གྱིས་ཡེ་ཤེས་ལས་ཤར་བའི་ལྷ་སྔགས་དང་པོ་དང་།
ཐལ་མལ་གྱི་སྣང་བ་རྣམས་གཉིས་པར་བཞེད་འདུག་པས་སོ།། །།
No comments:
Post a Comment