22-28/12/12.དགོངས་གཅིག་ཟིན་བྲིས། gongchig note घोड चीग चारचा

ཁྱབདག་རྡོེ་འཆང་ལ་ན་མོ།

༈ ༢༢ ༡༢ ༡༢ བདེ་གཤེགས་སྙིང་པོས་འགྲོ་བ་ཡོངས་ལ་ཁྱབ། །སེམས་ནི་རྒྱ་ཆེ་མཆོག་ཏུ་རབ་བསྐྱེད་ནས། །འགྲོ་བ་འདི་དག་གདོད་ནས་སངས་རྒྱས་ཕྱིར། །གཞི་ཡི་དབང་ལ་ལམ་གྱི་དབང་བསྐུར་བས། །འདི་ན་སྣོད་མིན་མེད་པས་གསང་སྒྲོག་ཐལ། །གསང་སྔགས་ཀྱི་ཚོམས་འགོ་ཚུགས་པ་དང་འགོ་ཡི་དུས་རྒྱུན་ཞལ་འདོན་གྱི་ནང་དུའང་ཏིང་འཛིན་གྱི་དབང་བཞི་ཞིག་ཀྱང་ལེན་གནང་གི་འདུག །༈ དགོངས་གཅིག་གསང་སྔགས་གནད་བསྡུས་ཀྱི་འཚོམས་༢༨ལས་རྡོ་རྗེའི་གསུང་༡པོ། སྔགས་ནི་བསྟན་པ་གཞན་ལའང་འབྱུང་། བྱ་བ་ལ་རིགས་པ་ནི། སྒྲིབ་པ་ཕྲ་རགས་གཉིས་སྤོང་བའི་ཆེད་དུ་རྒྱུ་མཚན་ཉིད་དང་འབྲས་བུ་སྔགས་ཀྱི་ཐེག་པ་གཉིས་བྱུང་བས་སྔགས་ཀྱི་བསྟན་པ་ངེས་པར་འབྱུང་གསུངས། །ལུང་ནི་མཚན་བརྗོད་ལས། འདས་པའི་སངས་རྒྱས་རྣམས་ཀྱིས་གསུངས། །མ་འོངས་རྣམས་ཀྱང་གསུང་འགྱུར་ལ། །ད་ལྟར་བྱུང་བའི་རྫོགས་སངས་རྒྱས། །ཡང་དང་ཡང་དུ་གསུངས་པ་གང་། །སོགས་ལུང་མང་། དེ་ལྟར་ན་སྔགས་ཀྱི་བསྟན་པ་གཞན་ལའང་འབྱུང་གསུངས། །འོན་ཏེ་མི་འབྱུང་བར་གསུངས་པ་ནི་མངོན་ཚན་དང་ཤས་ཆེ་ཅུང་ལ་ལྟོིོས་ནས་གསུངས་གྱི། གཞན་དུ་ན་སྔགས་ཀྱི་གདུལ་བྱ་གར་ཡོད་དུ་སྔགས་ཀྱི་བསྟན་པ་འབྱུང་གསུངས། །འདི་ཡང་སྤྱི་བཞེད་དང་མཐུན་ནས་བྱེ་བྲག་གི་བཞེད་པ་ཡིན་གསུངས། ། ༈ རྡོ་རྗེའི་གསུང་༢པ། དབང་གི་དོན་རྒྱུད་ལ་སྐྱེས་ན་ཐོབ། བྱ་བ་ལ་འདིར་ཞལ་སྔ་ནས།  སློབ་དཔོན་རབ་འབྲིང་གཉིས་ལ་ཚད་བཟུང་མི་ནུས། ཐ་མའི་དབང་དུ་བྱས་ནས་ཆོ་གའི་རྣམ་བཞག་༼གཅིག་པུས་དབང་༽དོན་དེ་ཉིད་ཐོབ་པ་མིན་ཏེ། དབང་དོན་རྒྱུད་ལ་སྐྱེས་ན་ཐོབ་པ་ཡིན་གསུངས། །༈ རྡོ་རྗེའི་གསུང་༣པ། ལྷ་ཕྱོགས་གཅིག་པས་ཀྱང་དབང་བསྐུར་དུ་འགྲོ། བྱ་བ་ནི་གདན་གསུམ་ཚང་བའི་དཀྱིལ་འཁོར་དུ་མ་ཟད་དངོས་སུ་མ་ཚང་བའི་ལྷ་ཡིན་ཀྱང་དེའི་དཀྱིལ་འཁོར་དུ་དབང་བསྐུར་བ་རུང་གསུངས། དཔེར་ན་དགེ་ལྡན་གྱི་འཇིགས་བྱེད་དཔའ་གཅིག་དང་འདི་གའི་རྣལ་འབྱོར་མ་ལྷ་ལྔ་ལྟ་བུ་ཏེ། དངོས་སུ་མ་ཚང་ཡང་རིགས་ཀྱི་དབྱེ་བའི་བསམ་གྱིས་མི་ཁྱབ་པ་གྱུར་པས་སོ། །༈ རྡོ་རྗེའི་གསུང་༤པ། དཔེ་དོན་གྱི་རྟོགས་པ་མ་སྐྱེ་ན་དོན་ཁོང་དུ་མི་ཆུད། བྱ་བ་ལ་དཔེའི་གོ་བས་འདྲ་བས་འདྲ་བ་མཚོན་པ་དང་དོན་གྱི་རྟོགས་པ་མེད་པའི་ཉམས་མྱོང་ནི་བློས་བྱས་ཡིན་ན་ཕྱག་རྒྱ་ཆེན་པོ་བློ་ལས་འདས་པའི་ཕྱིར་དཔེ་དོན་གྱི་ཡེ་ཤེས་རྟོགས་པ་བཞི་པའི་དོན་ཁོང་དུ་ཆུད་མི་ནུས་གསུངས་པ་འདྲ། །ཇི་སྐད་དུ། གོ་བ་ལྷན་པ་ཡིན་ཏེ་གོག་ནས་འགྲོ །ཉམས་ན་བུན་ཡིན་ཏེ་ཡལ་ནས་འགྲོ །རྟོགས་པ་འགྱུར་བ་མེད་དེ་ནམཁའདྲ། །གསུངས་ལྟ་བུ་ལགས། །

༢༣ ༡༢ ༡༢༈ དགོངས་གཅིག་གསང་སྔགས་གནད་བསྡུས་ཀྱི་འཚོམས་༢༨ལས་རྡོ་རྗེའི་གསུང་༥པ། བསྐྱེད་རིམ་ནི་ཡོངས་སུ་གྲུབ་པ། བྱ་བ་ནི་གསར་མ་དགེ་ལྡན་ལྟ་བུས་ཀུན་བཏགས་དོན་སྤྱི་ལྟ་བུར་འདོད་རུང་གཞི་སེམས་ཅན་གྱི་སྣང་ཚུལ་གཙོ་བའི་ངོས་ནས་འཇལ་བས་དེས་ཀྱང་དགོས་པ་འགྲུབ་མི་ནུས་པ་མ་ཡིན་ལ། འདིར་ལམ་འབྲས་བུའི་སྣང་ཚུལ་གཙོ་བའི་ངོས་ནས་གཞལ་ན་སྔགས་རྙིང་མའི་སྣང་སྲིད་ལྷར་སྒྲུབ་ཀྱི་རིགས་པས་འགྲུབ་ནུསོ། །༈ རྡོ་རྗེའི་གསུང་༦པ། རང་བྱུང་རྣམས་ལ་འཇུག་པའི་ཆོ་ག་གལ་ཆེ། བྱ་བ་ནི་ཅི་སྟེ་ཁྱོད་ཀྱི་རྒྱུད་ལ་ཏིང་ངེ་འཛིན་གྲུབ་པའི་ཡོན་ཏན་སྐྱེས་སྟོབས་ཀྱི་རང་བྱུང་དུ་ཡོད་སླར་ཡང་ཆོ་ག་རྣམ་དག་ལ་འཇུག་ནས་དེ་ཉིད་ཆུད་མི་ཟ་བར་བྱ་དགོས་པར་གསུངས་སོ། །༈ རྡོ་རྗེའི་གསུང་༧པ། ལྷ་ཐམས་ཅད་ལ་མཚན་དཔེའི་ཡོན་ཏན་དང་ལྡན། བྱ་བ་ལ་རིགས་པ་འདིར་རྒྱུ་མཚན་ལྔ་གསུངས། །ལུང་ལ་མང་ཡང་བརྟག་པ་འོག་མའི་དངོས་གྲུབ་གཏན་ལ་འབེབས་པའི་ལེའུ་གཉིས་པ་ལས། བཙུན་མོའི་བྷ་ག་༼ཆོས་དབྱིངས་༽བདེ་༼ཆེན་ཆོས་སྐུའི་༽གནས་སུ། །སྟོན་པ་སུམ་ཅུ་རྩ་གཉིས་མཚན། །གཙོ་བོ་དཔེ་བྱད་བརྒྱད་ཅུར་ལྡན། །༼པ་ནི་བྱང་ཆུབ་ཀྱི་སེམས་༽ཁུ་བ་ཞེས་བྱ་༼བའི་རང་བཞིན་དུ་༽རྣམ་པར་གནས། །དེ་མེད་པས་ན་བདེ་མེད་འགྱུར། །བདེ་བ་མེད་ན་དེ་མེད་འགྱུར། །༼དེས་ན་བདེ་ཆེན་བྱང་ཆུབ་ཀྱི་སེམས་དེ་ལས་མ་ཤར་བའི་གསང་སྔགས་ལྷ་མེད་ན་མཚན་དཔེ་མ་ལྡན་པའི་ལྷ་མེད་དོ། །༽ནུས་པ་མེད་ཕྱིར་ལྟོས་དང་བཅས། །ལྷ་ཡི་རྣལ་འབྱོར་ལས་བདེ་བ། །ཞེས་པའི་དོན་ཡིན་ནམ་སྙམ། །༈ རྡོ་རྗེའི་གསུང་༨པ། ལྷ་ལ་སོགས་པ་མདོ་རྒྱུད་དུ་གསུངས་པ་གཙོར་བྱེད། །བྱ་བ་ནི་ལྷ་བཞེང་བྲིས་སྒོམ་གང་གི་སྐབས་སུའང་མདོ་རྒྱུད་ནས་གསུངས་པ་གཙོ་བོ་བྱས་ནས་མཚན་དཔེས་བརྒྱན་པ་འབྲི་དགོས། དེ་ཡང་ཚང་བར་འབྲི་དགོས་འོད་དང་ཐིག་ལེ་རྒྱན་སོགས་རེ་རེའང་གནད་ཤིན་ཏུ་ཟབ་པ་ཡོད་པ་ལྟ་བུ་དང་། ལྷག་པར་རང་གི་བླ་མ་ལྟ་བུ་སྐུ་འབྲས་མི་མཚར་བ་ལྟ་བུ་ཡིན་ཡང་མཚན་དཔེས་བརྒྱན་ཅིང་མཚར་སྡུག་ཏུ་འབྲི་སྒོམ་སོགས་དགོས་གསུངས། །

༢༤ ༡༢ ༡༢༈ དགོངས་གཅིག་གསང་སྔགས་གནད་བསྡུས་ཀྱི་འཚོམས་༢༨ལས་རྡོ་རྗེའི་གསུང་༩པ། དབང་པོ་རབ་ལ་ཆོ་ག་རྒྱས་པ་ལྷག་པར་དགོས། བྱ་བ་ལ་དོན་བསྡུ་ན་ཞལ་སྔ་ནས། ཆོ་ག་རྒྱས་པ་དེའི་ཕྲིན་ལས་ཡོན་ཏན་བསམ་གྱིས་མི་ཁྱབ་པ་འབྱུང་བའི་ཕྱིར་དབང་པོ་རབ་ལ་ཆོ་ག་རྒྱས་པ་ལྷག་པར་ཡང་དགོས་ཏེ། ཞེས་གསུངས་པའི་མཚོན་རྒྱས་བཤད་འབྲེལ་པར་གཟིགས། །༈ རྡོ་རྗེའི་གསུང་༡༠པ། སྤྲོས་པ་ཐམས་ཅད་བབས་ཀྱི་རྟེན་འབྲེལ་གྱིས་འབྱུང་། བྱ་བ་ནི་གོང་གི་རྡོ་རྗེའི་གསུང་༩པའི་རྒྱུ་མཚན་དུ་གྱུར་ཏེ། ཇི་སྐད་དུ། ཇི་ལྟར་ཕྱི་རོལ་དེ་བཞིན་ནང་། །ཞེས་པ་ལྟར་ཕྱི་སྣོད་ཀྱི་རྟེན་འབྲེལ། ནང་བཅུད་ཀྱི་རྟེན་འབྲེལ། གསང་བ་ཡི་དམ་ལྷ་ཡི་རྟེན་འབྲེལ་ལ་བརྟེན་ནས་བསྐྱེད་རིམ་སྤྲོས་པ་ཇི་ཙམ་སྤྲོས་པ་ཐམས་ཅད་རྟེན་འབྲེལ་གྱི་བབ་ལས་སྤྲོས་པ་ལས་གཞན་དུ་ཡོངས་གྲུབ་ཀྱི་བསྐྱེད་རིམ་དང་འགལ་ནས་འབྲས་བུ་ཇི་ལྟ་བ་བཞིན་འབྱུང་མི་ནུས་པ་སྐྱོན་དུ་འགྱུར། །དཔེར་ན་གསུམ་མགོན་གྱིས་གྲུབ་ཆེན་བརྒྱད་བཅུའི་བཞུགས་སྟངས་ལ་གཟིགས་ནས་རྩ་རླུང་གི་གནད་མཐའ་དག་རྟོགས་གསུངས། །ཕྱི་ནང་གཞན་གསུམ་གྱི་རྟེན་འབྲེལ་ལམ་ཙམ་ཞིག་འགྲེལ་པར་གསལ། །ཞིབ་ཕྲ་ནི་རང་རང་གི་བསྐྱེད་རིམ་གྱི་གཞུང་ལས་ཤེས་དགོས། །༈ རྡོ་རྗེའི་གསུང་༡༡པ། རྡོ་རྗེའི་ལུས་ཀྱི་གནས་ལུགས་ནི་ཟབ་མོའི་འཁོར་ལོ། བྱ་བའི་དོན་ནི་ཇི་བཞིན་མ་གོ ༈ རྡོ་རྗེའི་གསུང་༡༢པ། གནས་ལུགས་འགའ་ཞིག་རྡོ་རྗེ་འཆང་གིས་སྦས། བྱ་བ་ནི་ཇི་སྐད་དུ། གསང་སྔགས་གསང་བཞིན་སྦས་པ་ནི། །སྔགས་ལ་སྐྱོན་ཡོད་མ་ཡིན་ཏེ། །སྐལ་མེད་ལོག་ལྟ་རྣམས་ལ་གསང་། །ཞེས་པ་ལྟར་དབང་རྣོན་འགའ་རེས་རང་དགར་འཇུག་མི་ནུས་ཤིང་བླ་མ་བརྟེན་པ་གལ་ཆེ་བ་སོགས་ཉེས་པ་རྣམས་འགྲེལ་པ་གསལ་བ་ལྟར་གྱིས་སོ། །༈ རྡོ་རྗེའི་གསུང་༡༣པ། འདུག་ཚུལ་དང་ལས་འགའ་ཞིག་ཟབ། བྱ་བ་ལ་གནད་མ་གོ་བ་མེད་གསུངས། །

༢༥ ༡༢ ༡༢༈ དགོངས་གཅིག་གསང་སྔགས་གནད་བསྡུས་ཀྱི་འཚོམས་༢༨ལས་རྡོ་རྗེའི་གསུང་༡༤པ། གཞན་གྱིས་ཟབ་པ་མི་ཟབ་ལ་མི་ཟབ་པ་ཟབ། བྱ་བ་ནི་ལས་དང་པོ་པའི་ཉམས་ལེན་གྱི་དབང་དུ་བྱས་ནས་ལམ་འོག་མ་རྣམས་གོང་མའི་གཞི་རྟེན་ཡིན་པས་འོག་མ་རྣམས་ཤིན་ཏུ་ཚག་ཚུད་དགོས་པར་གསུངས་ཏེ་ཞལ་སྔ་ནས་གསུམགོན་གྱིས། མཆོག་དབང་གོང་མ་ཟབ་ཟེར་ཡང་། །འམ་བུ་བུམ་དབང་ལ་རྩི་ཆོད་ཆེ། །གཞི་དང་སྣོད་དང་ལུས་ལྟ་བུ། །གསུམ་པོ་དེ་ཡི་ཁྱད་པར་ཆོས། །ཞེས་གསུངས། །༈ རྡོ་རྗེའི་གསུང་༡༥པ། མི་ཟབ་པའི་གདམས་པ་མེད་ན་ཟབ་མོ་རྩ་རླུང་གིས་ཚང་མི་རྒྱ། བྱ་བ་མི་ཟབ་པའི་གདམས་པ་སྔོན་འགྲོའི་ཆོས་རྣམས་མེད་རྩ་རླུང་ཟབ་མོ་རྣམས་ནི་མུ་སྟེགས་ལའང་ཡོད་པས་ཚང་རྒྱ་མི་ནུས་ཏེ་གསུམགོན་གྱིས། ཆགས་པ་སྤྱོད་པའི་སྦྱོར་ཐབས་གསུམ་བརྒྱ་དྲུག་ཅུ་དང་། །རྩ་རླུང་ཐིག་ལེའི་གནད་རྣམས་ཟབ་པ་མ་ཡིན་ཏེ། །དེ་དག་འོད་གསལ་དབྱིངས་སུ་དག་ན་ཐུབ་པའི་ཆོས། །རྒྱལ་བས་གསང་སྔགས་ཟབ་པའི་གནད་དུ་གསུངས་པ་ཡིན། །གཞན་དུ་མུ་སྟེགས་འཁོར་བའི་སྒྲུབ་ཐབས་སུ། །ནན་ཏན་ཆེན་པོས་བཀའ་སྩལ་ཡང་ཡང་གསུང་། །ཞེས་སོ། །༈ རྡོ་རྗེའི་གསུང་༡༦པ། བཀའ་དང་འགལ་བའི་གོ་མྱོང་ནི་ལོག་རྟོག་ཡིན། བྱ་བ་ནི་ཆོས་ངོས་གཟུང་། རྗེ་མི་ལས། རྣལ་འབྱོར་སེམས་ལ་ཅི་ཡང་འཆར། །ཞེས་རྩ་རླུང་ཐིག་ལེའི་བྱེ་བྲེག་ལ་བརྟེན་པའི་ཁམས་འདུ་ལུགས་ཐ་དད་པ་རྣམས་ཀྱི་ཉམས་མྱོང་འདི་མ་སྐྱེས་བྱ་བ་མེད་པས་སྒོམ་ཆེན་སྒོམ་གོལ་བ་བདུད་ཀྱི་འཁྱེར་བའི་བདུད་ཀྱི་ལེའུ་གསུངས་པ་བཞིན་མདོར་ན་རང་རྒྱུད་ལ་སྐྱོན་ཡོན་གང་བྱུང་ཡང་གེགས་སེལ་བོགས་འདོན་གྱི་ཚུལ་ཐུབ་པའི་བཀའ་ཡི་རྗེས་སུ་འབྲངས་ཏེ་དེ་དང་མཐུན་པར་བྱེད་པ་ཤིན་ཏུ་གལ་ཆེ་གསུངས། །༈ རྡོ་རྗེའི་གསུང་༡༧པ། བཀའ་ཡི་དགོངས་པ་ཐམས་ཅད་འགལ་མེད་དུ་འགྲོ་དགོས། བྱ་བ་སླར་ནན་ཏན་ཏེ། འདིར་ཞལ་སྔ་ནས། དེ་ལ་བཀའ་ཡི་དགོངས་པ་ཐམས་ཅད་དང་མི་འགལ་བར་ཆོས་གཅིག་པོ་དེ་གང་ཡིན་ན། སྤྱིར་ཆོས་ཀྱི་འཁོར་ལོ་རེ་རེའང་གསུམ་ཀ་ཚང་བས་སྡོམ་པ་གསུམ་གནད་གཅིག་པ་དང་། ཚུལ་འཁྲིམས་དང་ཕྱག་རྒྱ་ཆེན་གཅིག་པའི་གནད་ཀྱིས་ཐུབ་པའི་གསུང་རབས་ཐམས་ཅད་ཀྱང་དགོངས་པ་གཅིག་ཏུ་འདུས་ཏེ། ཞེས་སོགས་གསུངས་སོ། །༈ རྡོ་རྗེའི་གསུང་༡༨པ། གདམས་ངག་ལྟར་མི་འོང་བཀའ་ལྟར་འོང་། བྱ་བ་སླར་ཡང་ནན་ཏན་ཏེ། སྐྱོན་སྤོང་ཡོན་ཏན་སྒྲུབ་པ་ཐམས་ཅད་གདམས་ངག་ལྟར་མི་འོང་ཞིང་བཀའ་ལྟར་འོང་བ་ནི་རྒྱལ་བ་སྟོབས་བཅུའི་དབང་ཕྱུག་གི་གསུང་ལས་སྐྱེས་པའི་ཕྱིར་རོ། །༈། རྡོ་རྗེའི་གསུང་༡༩པ། སྐྱོན་མེད་ཏིང་འཛིན་ཁམས་གསུམ་འཁོར་བའི་རྒྱུ། བྱ་བ་ནི་བདེ་གསལ་མི་རྟོག་པ་ཇི་ཙམ་ཟབ་ཀྱང་གནས་ལུགས་རིག་པ་མེད་ཅིང་དེར་ཆགས་ན་བདེ་བས་འདོད་པར། གསལ་བས་གཟུགས། མི་རྟོག་པས་གཟུགས་མེད་ལས་ཐར་མི་སྲིད་པ་གསུངས། །

༢༦ ༡༢ ༡༢༈ དགོངས་གཅིག་གསང་སྔགས་གནད་བསྡུས་ཀྱི་འཚོམས་༢༨ལས་རྡོ་རྗེའི་གསུང་༢༠པ། སྐུ་གསུམ་རེ་རེ་ཡང་གསུམ་ཀའི་བདག་ཉིད། བྱ་བ་ལ་ཞལ་སྔ་ནས། གང་ཟག་གཅིག་ཕུང་པོ་ཁམས་དང་སྐྱེ་མཆེད་རྣམ་པར་དག་པ་དེའི་འཁོར་ལོ་ཐ་དད་ཇི་ལྟར་བྱེད་ཅེས་གསུངས་པ་གཅིག་པུས་གོ་ནུས། །གསང་འདུས་ཀྱི་རྒྱུད་ཀྱིས། ཁྱེད་ཀྱི་སྐུ་གསུང་ལྟ་བུ་གསུང་ཐུགས་ལྟ་བུ་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་གསུངས་པའང་དེའི་རྒྱབ་རྟེན་དུ་གྱུར་སྙམ། །༈ རྡོ་རྗེའི་གསུང་༢༡པ། གསང་སྔགས་ལ་ཚུལ་འཁྲིམས་མེད་ཁ་མེད། བྱ་བ་ལ་འགྲེལ་པ་འདིར་ཀྱེ་རྡོར་དུས་འཁོར་རྡོ་རྗེ་རྩེ་མོ་རྣམ་སྣང་མངོན་བྱང་སོགས་ཀྱི་ལུང་གསུངས། དེ་བཞིན་དཔུང་བཟང་གིས་ཞུས་ལས། རྒྱལ་བ་ངས་གསུངས་སོ་སོར་ཐར་པ་ཡི། །ཚུལ་འཁྲིམས་རྣམ་དག་འདུལ་བའི་བསླབ་པ་ལ། །སྔགས་པ་ཁྱིམ་པས་རྟགས་དང་ཆོ་ག་སྤང་། །ལྷག་མ་རྣམས་ནི་ཉམས་སུ་བླང་བར་བྱ། །ཞེས་དང་། འཇམ་དཔལ་རྩ་རྒྱུད་ལས། ཚུལ་འཁྲིམས་འཆལ་བས་ཐུབ་དབང་གིས། །སྔགས་འགྲུབ་པར་ནི་མ་གསུངས་ཏེ། །མྱ་ངན་འདས་གྲོང་འགྲོ་བ་ནི། །ཡུལ་དང་ཕྱོགས་ནི་མ་ཡིན་ནོ། །ཞེས་ལུང་དང་། རིགས་པ་ནི་བསླབ་གསུམ་མདོ་ལས་གསུངས་པ་བཞིན། གསང་སྔགས་ནི་ཏིང་ངེ་འཛིན་གྱིས་ཆེ་བ་ཡིན། ཏིང་ངེ་འཛིན་ནི་ཚུལ་འཁྲིམས་ལ་བརྟེན་པའོ། །༈ རྡོ་རྗེའི་གསུང་༢༢པ། འདོད་པས་བར་དུ་གཅོད་པ་གསུངས་པའི་སྟེང་དུ་གཅིག བྱ་བ་ནི་སླར་ཡང་གསལ་བར་བྱེད་དེ་འདིར་ཞལ་སྔ་ནས། ཀྱེ་རྡོར། ཡུམ། ཟླ་བའི་སྒྲོན་མེ། སྡུད་པ། ལུང་བཞི་སོགས་ཀྱི་ལུང་གནང་ནས། དེ་ལྟར་སྔགས་མཚན་ཉིད་འདུལ་བ་ཐམས་ཅད་དུ་འདོད་པས་ཡོན་ཏན་གོང་མའི་གེགས་དང་བར་ཆད་དུ་གྱུར་པར་གསུངས་པས། སྔགས་མཚན་ཉིད་འདུལ་བ་ཐམས་ཅད་དུ་འདོད་ཡོན་སྤྱོད་པའི་སྟེང་དུ་མི་གཅིག་ལ། འདོད་པས་བར་དུ་གཅོད་པའི་སྟེང་དུ་གཅིག་པ་ཡིན་ཏེ། ཞེས་གསུངས། །ལོ་རྒྱུས་ཀྱི་དབང་དུ་ན་རྒྱལ་པོ་ཨིདྲ་བྷུ་ཏི་ལྕམ་དྲལ་ཆགས་སེམས་སྐྱེས་སྐབས་སློབ་དཔོན་ཛཱ་ལན་དྷ་རས་བཀའ་བཀྱོན་པ་དང་། ཆགས་སེམས་མེད་ན་མཚན་ཉིད་སྐབས་སུ་འང་ཆོས་འཕགས་དགེ་སློང་གི་རྟེན་ཅན་བུད་མེད་དཔག་ཏུ་མེད་པས་མཆོད་པ་དང་། འདུལ་བར་ཡང་མ་གྷ་དྷ་བཟང་མོའི་མཆོད་པ་ལ་སྲས་སྒྲ་ཅན་འཛིན་འཁོར་ལོས་བསྒྱུར་བའི་རྒྱལ་པོར་སྤྲུལ་ནས་བྱོན་པ་སོགས་ཀྱིས་འགྲུབ་ནུས། །༈ རྡོ་རྗེའི་གསུང་༢༣པ། སྔགས་ཀྱི་མི་དགེ་བ་དགེ་བར་འགྱུར་བའི་གནས་མེད། བྱ་བའི་སྐབས་འདིར་གསུམ་མགོན་གྱི་དགོངས་བཞེད་གསལ་བར་བསྟན་འདུག་སྙམ། འདིར་གཞི་སྦྱོང་བའི་ལམ་དུ་བཞེས་པས་མི་དགེ་སྔགས་སྦྱོང་མ་ཐུབ་ན་བསྒྱུར་པའི་གནས་མེད་ཏེ། ས་བོན་བྲ་བོ་ལས་འབྲུ་མི་འབྱུང་བ་གཤིས་བབས་གནས་ལུགས་སོ། །འདིར་འགྲེལ་པར་ལེགས་པར་གཟིགས་དང་གཞི་བསྒྱུར་བ་དང། གཞི་སྤོང་བ་དང་། གཞི་ཤེས་པའི་ལམ་རྣམས་བཀག་ལུགས་ཀྱི་གསུམ་མགོན་གྱི་ཐུགས་བསམ་བཞེད་ཕྱོགས་ལམ་ཙམ་ཤེས་ཐུབ་པས་འདིར་ཁ་ཅིག་དང་རང་ལུགས་ལ་ལེགས་པར་གཟིགས་ནས་རྟོག་དཔྱོད་གནང་འཚལ། །སྐབས་དོན་གཙོ་བོ་ནི་རྡོ་རྗེ་གསུང་༢༡གི་སྔགས་ལ་ཚུལ་འཁྲིམས་མེད་ཀ་མེད་བྱ་བ་སླར་སླར་ཡང་གསལ་དུ་བཏང་། །

༢༧ ༡༢ ༡༢༈ དགོངས་གཅིག་གསང་སྔགས་གནད་བསྡུས་ཀྱི་འཚོམས་༢༨ལས་རྡོ་རྗེའི་གསུང་༢༤པ། འདུལ་བར་དགེ་བར་གསུངས་པ་དེ་སྔགས་སུའང་དགེ་ལ། མི་དགེ་བ་དེ་མི་དགེ་བར་འགྱུར། བྱ་བ་ལ་འགྲལ་པ་དྲི་མེད་འོད་ལས། ལས་དང་པོ་པས་རྣལ་འབྱོར་པའི་སྤྱོད་པ་མི་བྱ། རྣལ་འབྱོར་པས་གྲུབ་ཐོབ་ཀྱི་སྤྱོད་པ་མི་བྱ། གྲུབ་ཐོབ་པས་ཐམས་ཅད་མཁྱེན་པའི་སྤྱོད་པ་མི་བྱ། ཞེས་གསུངས་པས། མདོར་ན་ཉོན་མོངས་དུག་གསུམ་དང་འབྲེལ་བའི་སྒོ་གསུམ་གྱི་ལས་མི་དགེ་བ་དེ་དག་སྔགས་སུའང་མི་དགེ་བ་ཡིན་ལ། རྒྱུ་དུག་གསུམ་མེད་པ་ལས་བྱུང་བའི་སྒོ་གསུམ་གྱི་ལས་རྣམས་འདུལ་བར་ཡང་དགེ་ལ་སྔགས་སུའང་དགེ་གསུངས། །༈ རྡོ་རྗེའི་གསུང་༢༥པ། དུག་གསུམ་དག་པའི་འབྲས་བུ་བདེ་བར་གཤེགས་པ། བྱ་བའི་སྐབས་འདིར་ཉོན་མོངས་པ་ནི་སངས་རྒྱས་གདུང་ཞེས་པ་ནི་ཉོན་མོངས་དག་པའི་འབྲས་བུ་ལ་སངས་རྒྱས་སུ་གསུངས་ཏེ། རྒྱུད་ལས། ཉོན་མོངས་གཏི་མུག་རྣམ་དག་པས། །རྣམ་པར་སྣང་མཛད་ཉིད་དུ་བསྒོམས། །ཞེས་སོགས་ལས་དྲངས་ནས་རྒྱུ་འབྲས་རིགས་མི་འདོར་བ་ལ་དགོངས་པ་ཡིན་པས་ཉོན་མོངས་ནི་སྦྱོང་བ་མ་གཏོགས་མེད་གསུངས། །གསུམ་མགོན་པས། དགྲ་གཉེན་དུ་ཆོད་པའི་དཔའ་བོ་དང་། །གཉེན་སྟོང་པར་རྟོགས་པའི་མཁའགྲོ་གཉིས། །སེམས་འགྱུར་བ་མེད་པའི་རྣལ་འབྱོར་ལ། །དུས་རྒྱུན་ཆད་མེད་པར་སྒོ་རོ་རོ། །ཞེས་དང་། རང་ལ་སྐྱེས་པའི་ཉོན་མོངས་འདི། །ཇི་ཙམ་རང་གིས་ཐུལ་བའི་ཚེ། །བྲལ་དང་རྣམ་སྨིན་ཡོན་ཏན་ལྔ་། །དཔའ་བོ་མཁའགྲོ་རྟག་པར་ངེས། །ཞེས་སོ། །༈ རྡོ་རྗེའི་གསུང་༢༦པ། སྔགས་ཀྱི་མཐུ་བསྟན་པ་ལས་མངོན་སྤྱོད་གནང་བ་མེད། བྱ་བ་ནི་བསད་པ་གསོ་ནུས་དང་གནས་སྤར་ནུས་པ་སློབ་དཔོན་པདྨ་ལྟ་བུ་ལ་གནང་བ་ལས་དུ་ཡེ་བཀག་ཡིན་ཏེ། ཀ་རི་ཀ་ལས། སྨན་དང་སྔགས་དང་རིག་པ་དང་། །འཆི་བའི་ཕྱོགས་སུ་གང་བཏང་བ། །དེ་བཏང་བསྡོམ་པ་ཞིག་པར་གྱུར། །ཞེས་གསུངས་ཞིང་ལོ་རྒྱུས་ལྟ་བུར་ཞལ་སྔ་ནས། གཤིན་རྗེ་གཤེད་ལ་བརྟན་པ་ཐོབ་པའི་རྣལ་འབྱོར་བྲམ་ཟེ་ཙ་ནག་ལྟ་བུ་མངོན་སྤྱོད་ཀྱི་ལས་ཀྱིས་ཕྱི་མར་ཡི་དམ་གྱི་གཟུགས་སུ་སེམས་ཅན་དམྱལ་བ་ཆེན་པོར་སྐྱེས་ན། པེ་ཧར་དང་གཙང་བཙན་ལ་སོགས་པ་འཇིག་རྟེན་པའི་ལྷ་འདྲེ་རྣམས་ཀྱི་སྒོ་ནས་མཐུ་བྱེད་པ་དེ་དག་གནས་ངན་པར་སྐྱེ་བར་ལྟ་སྨོས་ཀྱང་ཅི་དགོས་ཞེས་གསུངས། །མདོར་ན་དྲག་པོ་མངོན་སྤྱོད་ཀྱི་ལས་ནི་སྡིག་པ་ཤིན་ཏུ་ཆེ་བས་བདག་ཅག་རྣམས་ཀྱིས་ཉམས་སུ་བླང་བྱ་མ་ཡིན་པས་ཅི་ལ་ཐུག་ཀྱང་འདི་མི་བྱ་གསུངས། །

༢༨ ༡༢ ༡༢༈ དགོངས་གཅིག་གསང་སྔགས་གནད་བསྡུས་ཀྱི་འཚོམས་༢༨ལས་རྡོ་རྗེའི་གསུང་༢༧པ། རྡོ་རྗེ་དམྱལ་བ་ནི་མནར་མེད་པ་ཉིད། བྱ་བ་ནི་མཚན་ཉིད་ཐེག་པའི་སྐབས་གསུངས་པའི་མནར་མེད་ལས་ལོགས་སུ་མེད་པར་གསུངས། །སྔགས་སུ་ཐ་ན་ངན་ཐ་ཆད་དམྱལ་བ་ལ་ཡང་བདེ་སྟོང་ཡེ་ཤེས་ཀྱི་རྡོ་རྗེའི་སྒྲས་བསྟན་པ་དགོས་པ་རྒྱུ་མཚན་ཆེན་པོ་འདུག་སྙམ། །༈ རྡོ་རྗེའི་གསུང་༢༨པ། རྡོ་རྗེ་སློབ་དཔོན་རྒྱུད་ཚོད་མཐོ་ན་དེ་ཉིད་ཀྱིས་འདྲེན། བྱ་བ་ནི་དན་འཕགས་ཀྱིས་ཐར་པ་ནག་པོ་འདྲེན་པ་དང་། བྱང་སེམས་ཉི་མའི་སྙིང་པོ་རྟ་ཅང་ཤེས་སུ་བྱས་ནས་རང་གི་འཁོར་དམ་ཉམས་པ་ལྔ་བརྒྱ་དུད་འགྲོེ་སྐྱེས་པ་འདྲེན་པ་དང་། བཅོམ་ལྡན་འདས་ཀྱི་ལེགས་སྐར་འདྲེན་པ་སོགས་ལྟ་བུ་གསུངས། །སློབ་བུར་དེ་ལྟར་སྐལ་བཟང་བྱུང་བ་ནི། སློབ་བུ་དམ་ཚིག་ཉམས་པ་ལས་བྱུང་བ་མ་ཡིན་ཏེ་དེས་ངན་སོང་དུ་ལྷུང་བའི་ཕྱིར། དེ་ནི་སྔར་ཆོས་ཟབ་མོ་དང་འབྲེལ་བའི་རྒྱུ་ལས་བྱུང་བར་གསུངས་པས་གོང་དུ་བྱང་སེམས་གནད་བསྡུས་རྡོ་རྗེའི་གསུང་༡༠དགེ་དང་མི་དགེའི་འབྲས་བུ་སོ་སོར་འབྱུང་གསུངས་པ་སོགས་ཀྱི་འགལ་སྤོང་ཡང་གནང་། །གསང་སྔགས་གནད་བསྡུས་ཀྱི་ཚོམས་༢༨ཀྱི་ཟིན་བྲིས་སོ། །

15-21/12/12.དགོངས་གཅིག་ཟིན་བྲིས། gongchig note घोड चीग चारचा

པཎ་གྲུབ་གཉིས་ཚོགས་ན་རོ་པ་ལ་ཕྱག་འཚལ་ལོ།

༈ ༡༥ ༡༢ ༡༢ དགོངས་གཅིག་བྱད་སེམས་གནད་བསྡུས་ཀྱི་འཚོམས་༢༤ལས་རྡོ་རྗེའི་གསུང་༡པོ། སྙིང་རྗེ་དང་བྱང་ཆུབ་ཀྱི་སེམས་ཐ་དད་ཡིན། བྱ་བ་ནི་དུས་རྒྱུན་བཞིན་ལྷག་བས་འདྲེན་ནུས་ཀྱི་སྙིང་རྗེ་ཆེན་པོ་ནི་བྱང་སེམས་ཀྱི་རྒྱུ་ཡིན་པས་གཅིག་ཏུ་ག་ལ་འགྱུར། །འོན་ཏེ་སྐབས་རེ་སྟོང་ཉིད་སྙིང་རྗེ་ལྟ་བུ་བྱང་སེམས་ལ་ལྟ་བུ་ཕྱེ་སྟེ་ཤེས་དགོས་འཇིག་རྟེན་གསུམ་མགོན་ཀྱིས། དུས་གསུམ་སངས་རྒྱས་ཐམས་ཅད་ཀྱི། །སྟོང་ཉིད་སྙིང་རྗེ་ཞེས་བྱ་བ། །བྱང་ཆུབ་སེམས་གཉིས་འདྲེས་པ་ཡིན། །ཞེས་སོ། །༈ རྡོ་རྗེའི་གསུང་༢པ། བྱང་ཆུབ་སེམས་དཔའི་༼དཔའ་༽ཚུལ་འཁྲིམས་ཀྱི་བསྡོམ་པའི་རྟེན་ཅན། བྱ་བ་ལ་ཞལ་སྔ་ནས། སོ་སོར་ཐར་པའི་སྡོམ་པ་ནི། བྱང་ཆུབ་སེམས་དཔའི་སྡོམ་པ་མ་སྐྱེས་པ་སྐྱེ་བའི་རྟེན་དང་། སྐྱེས་པ་གནས་པའི་རྟེན་དང་། གནས་པ་གོང་ནས་གོང་དུ་བོགས་འདོན་པ་སྟེ་མཐར་ཐུག་པའི་རྟེན་ཡང་ཡིན་གསུངས། །ཇོ་བོའི་ཞལ་ནས། སོ་སོར་ཐར་པ་རིགས་བདུན་ལས། །རྟག་ཏུ་སྡོམ་གཞན་ལྡན་པ་ལ། །བྱང་ཆུབ་སེམས་དཔའི་སྡོམ་པ་ཡི། །སྐལ་པ་ཡོད་ཀྱི་གཞན་དུ་མིན། །གསུངས་ལྟར་ཏེ། མི་མ་ཡིན་ལ་སོགས་པ་ལའང་སྣ་གཅིག་ལ་སོགས་ཀྱི་དགེ་བསྙེན་ཡོད་པས་འགལ་བ་ཚུལ་གསུངས། །༈ རྡོ་རྗེའི་གསུང་༣པ། སོ་སོ་སྐྱེ་བོ་ལ་ཡང་འཇུག་པ་སྐྱེ་བ་ཡིན། བྱ་བ་ནི་དུས་རྒྱུན་དང་མཚུངས། །འདིར་འདི་བྱུང་སྟེ། བྱང་ཆུབ་སེམས་དཔའི་སྤྱོད་པ་ཇི་སྙེད་པ་ཐམས་ཅད་བྱང་ཆུབ་སེམས་དཔའི་སྡེ་སྣོད་དུ་འདུས། སྡེ་སྣོད་དེ་ཐམས་ཅད་འཕགས་པ་ཐོགས་མེད་ཀྱི་བྱང་སར་འདུས། བྱང་ས་ཙནྡྲ་གོ་མིའི་སྡོམ་པ་ཉི་ཤུ་པར་འདུས། ། གསུངས་པས་དཔེ་ཆ་ལྟ་ལྟངས་ལ་ཁྱད་འདུག་གོ །དུས་རྒྱུ་ང་ཚོས་བྱང་ཆུབ་སེམས་དཔའི་སྡེ་སྣོད་ནི་མདོ་ཕལ་ཆེན། བྱང་ཆུབ་སེམས་དཔའི་སྡེ་སྣོད་ཀྱི་མ་མོ་ནི་བྱང་ས་ཞེས་བརྩི་སྲོལ་ཡོད། །

༈ ༡༦ ༡༢ ༡༢ དགོངས་གཅིག་བྱད་སེམས་གནད་བསྡུས་ཀྱི་འཚོམས་༢༤ལས་རྡོ་རྗེའི་གསུང་༤པ། ཅི་རིགས་ཀྱིས་ཀྱང་ཚུལ་འཁྲིམས་བསྡོམ་པར་འགྱུར། བྱ་བ་ལ་ཞལ་སྔ་ནས། སྡོམ་པ་གསུམ་པོ་མཐའ་དག་རྫོགས་པར་བྱེད་པ་ནི་ས་བཅུའི་སེམས་དཔས་ཀྱང་མི་ནུས་པས་སངས་རྒྱས་ཉག་གཅིག་གིས་སྤྱོད་ཡུལ་ཡིན། །ཞེས་གསུངས། །དེ་ལྟར་ན་དེ་བཞིན་གཤེགས་པའི་སྐུ་མཐོང་བ་ན་ཐལ་མོ་སྦྱོར་བ་ཙམ་དེ་ཡང་དགེ་བ་ཡིན་པས་དེ་དགེ་བ་ཆོས་བསྡུད་ཚུལ་འཁྲིམས། དེ་ལས་གཞན་པའི་མི་དགེ་བ་བསྡམས་ནས་དེ་ཉིད་བརྩོན་པར་བྱེད་པ་བསྡོམ་པའི་ཚུལ་འཁྲིམས། དེ་བདག་གཞན་བྱང་ཆུབ་ཐོབ་པའི་ཕྱིར་དུ་ཡིན་པས་སེམས་ཅན་དོན་བྱེད་ཚུལ་འཁྲིམས་སུ་འོང་བས་དགེ་བའི་ཆོས་སྣ་རེ་ལའང་ཚུལ་འཁྲིམས་གསུམ་ཀ་ཚང་བས་སྣ་རེའམ་ཟུང་རེ་ཙམ་གྱིས་ཀྱང་འཇུག་སྡོམ་དུ་གྱུར་པས་བདག་ཅག་རྣམས་ཀྱིས་སྣ་རེའམ་ཟུང་རེ་ཙམ་དེ་ནི་སྲོག་ལ་བབས་ཀྱང་བསྲུང་བར་བྱ། །དེའི་སྐབས་འཕགས་པ་ལམ་འབྱུང་གི་ལོ་རྒྱུས་གསུངས་ཏེ། ལམ་བྱུང་བྲམ་ཟེའི་རིགས་སུ་འཁྲུངས། འོན་ཏེ་ཤེས་རབ་ཤིན་ཏུ་བརྟུལ་བས་བྲམ་ཟེའི་རིགས་སུ་འཁྲུངས་ཀྱང་བྲམ་ཟེ་བྱེད་པ་ལ་རིག་བྱེད་ཀྱི་སྔགས་འགའ་ཞིག་བློ་ལ་ཟིན་དགོས་ཀྱང་ཁོང་གིས་གཞན་ཕར་ཞོག་སྔགས་ཚིག་བཅད་གཉིས་ཀྱང་བློར་ཟིན་ན་གོང་མ་སྦྱོང་ཚེ་འོག་བརྗེད་འོག་མ་སྦྱོང་ཚེ་གོང་མ་བརྗེད་ནས་ཚིག་གཉིས་ཀྱང་ཟིན་མ་ཐུབ་ནས་བྲམ་ཟེའི་ནང་ནས་ཕྱིར་བསྐྲད་དོ། །དེས་ནས་ཁོང་ཤིན་ཏུ་སྡུག་བསྔལ་ནས་ལམ་དུ་འཁྱམས་བཞིན་པའི་ཚེ་བཅོམ་ལྡན་འདས་མཇལ། དེ་ནས་བཅོམ་ལྡན་འདས་ཀྱིས་ཁྱོད་ངའི་རྗེས་སུ་འབྲང་ངམ་གསུངས་པས་ཁོ་ཤིན་ཏུ་དགའ་ནས་ཕྱིེས་བཞིན་འབྲངས་ཏེ་རྒྱལ་པོའི་ཁབ་མགོན་མེད་ཟས་བྱིན་གྱི་ཀུན་དགའ་ར་བར་ཕྱག་བརྡར་བསྐུལ་ཞིང་བསོད་སྙོམས་ལྷག་མ་གནང་བས་ཁོ་ཤིན་ཏུ་དགའ་ནས་ལས་ཚུལ་བཞིན་བྱེད་དེ་གནས་སྐབས་ནམ་ཞིག་གཅིག་ན་བཅོམ་ལྡན་འདས་ཀྱིས་ཁོའི་སྒྲིབ་པ་ཅུང་དག་པ་མཁྱེན་ནས་ལམ་བྱུང་ཁྱོད་ཕྱག་བབརྡར་བྱེད་བཞིན་ལ་རྡུལ་སྤངས་དྲི་མ་སྤངས་ཞེས་པའི་ཚིག་བཅད་གཅིག་པོ་དེ་སྦྱོང་ནུས་སམ་གསུངས་པས། ནུས་ལགས་སོ་ཞུས་ནས་ཡང་དུས་རིང་པོར་ཕྱག་བརྡར་བྱེད་བཞིན་ལ་ཚིག་བཅད་དེ་སྐྱོར་སྦྱངས་བྱས། །དེ་ནས་ཡང་བཅོམ་ལྡན་འདས་ཀྱིས་མཁྱེན་ནས་ལམ་བྱུང་ཞེས་འབོད་ནས། ཚིག་བཅད་བཞི་སྟེ། རྡུལ་ནི་ས་རྡུལ་མ་ཡིན་ཉོན་མོངས་རྡུལ། །ས་རྡུལ་ཕྱགས་པས་ཉོན་མོངས་སྒྲིབ་དག་ཤོག །ཅེས་ཞེ་སྡང་དང་འདོད་ཆགས་དང་གཏི་མུག་ལ་སྦྱར་བའི་ཚིག་བཅད་སླབ་པས་སླར་ཡང་ཕྱག་བརྡར་བྱེད་བཞིན་ཡུན་རིང་སྐྱོར་སྦྱང་བྱས་། །དེ་ནས་ནམ་ཞིག་ན་བཅོམ་ལྡན་འདས་ཀྱིས་འཕགས་པ་ལམ་བྱུང་སྒྲིབ་པ་དག་པ་མཁྱེན་ནས་ལོ་དེའི་དབྱར་གནས་ལ་དགེ་སློང་མའི་ཆོས་བཤད་ལ་འཕགས་པ་ལམ་བྱུང་གཏོང་གི་ཡིན་གསུངས་པས་ཡོངས་གྲགས་ལ་ཁོང་ཤེས་རབ་ཤིན་ཏུ་བརྟུལ་ཞིང་སྐྱེ་བོ་ཐ་ཆད་ཞིག་ཏུ་འཛིན་པས་དགེ་སློང་མ་འགའ་རེས་བཅོམ་ལྡན་འདས་ཀྱིས་དགེ་སློང་མ་ལ་མཐོང་ཆུང་གནང་སོང་ཞེས་ཡ་ག་སྒྲོགས་ཀྱང་འཕགས་པ་ལམ་བྱུང་གི་གོང་གི་ཤོལྐོ་གཅིག་པུ་དེ་ལ་ཟླ་བ་གསུམ་གྱི་རིང་ཆོས་གསུངས་པས་ཐམས་ཅད་ངོ་མཚར་ཆེར་སྐྱས་ནས་ཤིན་ཏུ་དད་པར་གྱུར་རོ། །འོན་ཏེ་དགེ་བ་ལ་ཆོག་ཤེས་ནི་མི་འོས་པ་མཁན་པོས་གསུངས། །༈ རྡོ་རྗེའི་གསུང་༥པ། ཉོན་མོངས་ཅན་མ་ཡིན་པའི་ལྟུང་བ་མེད། བྱ་བ་ནི་ཁ་ཅིག་དུག་གསུམ་གྱི་མ་བསླང་བར་ལེ་ལོ་སྙོམས་ལས་དྲན་པ་ཉམས་པ་བརྗེད་ངེས་གཉིད་ལ་སོགས་པས་དཀོན་མཆོག་མཆོད་པ་བཅག་པ་ལ་སོགས་ནི་ཉོན་མོངས་ཅན་མ་ཡིན་པའི་ལྟུང་བ་ཡིན་ཟེར་བ་ལ། དེ་ནི་རྣམ་པ་ཐམས་ཅད་དུ་མེད་གསུངས། །མཁའགྲོ་བསྡོམ་པའི་རྒྱུད་ལས། མི་ཤེས་པ་དང་བག་མེད་དང་། །མ་གུས་པ་དང་ཉོན་མོངས་པ། །བརྗེད་ངེས་དྲན་པ་མ་གསལ་བ། །འདི་དྲུག་དམ་ཚིག་ཉམས་པའི་རྒྱུ། །ཞེས་གསུངས་པའི་མཚོན་ནོ། ། ༈ རྡོ་རྗེའི་གསུང་༦པ། ཉེས་པར་མི་འགྱུར་བའི་མི་དགེ་བ་དེ་གནང་བ་མེད། བྱ་བ་ནི་ཤིན་ཏུ་ཟབ་སྟེ་འདིར་ཞལ་སྔ་ནས། རྒྱུ་འབྲས་རྟེན་འབྲེལ་འདིའི་གཤིས་དང་བབས་ཀྱིས་༼མི་ནག་མདུང་མཐུང་གྱི་ལོ་རྒྱུས་ལྟ་བུ་༽དེ་ལྟ་བུ་རྣམས་ཉེས་པར་མི་འགྱུར་བས་༼དེད་དཔོན་སྙིང་རྗེ་ཅན་ལ་ཉེས་པ་མི་འགྱུར་བའི་ཆ་ནས་༽གནང་བ་མ་ཡིན། །༼འོན་ཏེ་དམྱལ་བའི་སྡུག་བསྔལ་བཟོད་པར་ནུས་པའི་ཆ་ནས་གནང་བ་ཡིན་ཏེ།༽བྱང་ཆུབ་སེམས་དཔའ་རྣམས་བདག་ཡལ་བར་དོར་ནས་གཞན་དོན་ལ་བརྩོན་པས་ལས་དེའི་འབྲས་བུ་ཉམས་པར་མི་ནུས་ཤིང་བཟོད་པར་ནུས་པའི་ངོས་ནས་གནང་ཞེས་གསུངས་པ་ཡིན། །དེ་ལ་དཔེ་གཏམ་རྒྱུད་དང་སྦྱར་ན་གོ་སླ་སྟེ། དེད་དཔོན་སྙིང་རྗེ་ཆེན་པོས་ཚོང་དཔོན་ལྔ་བརྒྱས་སྲོག་སྐྱབ་དང་མི་ནག་མདུང་ཐུང་དམྱལ་བ་ལས་སྐྱབས་པས་བསྐལ་པ་དགུ་ཁྲིའི་ཚོགས་གདུམ་པ་དང་། ལྡོག་ཆ་སྲོག་བཅད་པའི་ཉེས་པ་ནས་ལོ་སྟོང་ཕྲག་མང་པོར་སེམས་ཅན་དམྱལ་བའི་སྡུག་བསྔལ་མྱོང་ནས་སངས་རྒྱས་པའི་དུས་ནའང་ལས་ཀྱི་ལྷག་མས་ཞབས་ལ་སེང་ལྡེང་གི་འཚལ་བུ་ཟུག་པར་གསུངས་པས་འབྲས་བུ་འབྱུང་གསུངས་སོ། །དེས་ན་ལས་དཀར་པོ་བཟང་ཡག་བྱུང་ན་རབ་དང་དེ་མིན་གཞན་དོན་ཆེད་དུ་མི་དགེ་སྤྱོད་དགོས་ན་ཡང་ལས་ཀྱི་འབྲས་བུ་མེད་པ་མ་ཡིན་ཞིང་ཡོད་ཀྱང་བཟོད་ཐུབ་པའི་དཔའ་གདེངས་དགོས་སོ། །

༈ ༡༧ ༡༢ ༡༢ དགོངས་གཅིག་བྱད་སེམས་གནད་བསྡུས་ཀྱི་འཚོམས་༢༤ལས་རྡོ་རྗེའི་གསུང་༧པ། ཐབས་མཁས་པ་ལ་མི་དགེ་བ་ཡོད་ན་དེའི་འབྲས་བུ་འབྱུང་། བྱ་བ་ཡང་གོང་གིས་ཟླས་དྲངས་སྙམ་སྟེ། འདིར་ཞལ་སྔ་ནས། བྱང་ཆུབ་སེམས་དཔའི་ ཐབས་མཁས་པ་ལ་མི་དགེ་བ་ཡོད་མི་སྲིད། གལ་ཏེ་ཡོད་ན་དེའི་འབྲས་བུ་འབྱུང་གསུངས། །སྐབས་འདིར་དེད་དཔོན་སྙིང་རྗེ་ཅན་ལ་ཞེ་སྡང་མེད་ན་མདུང་རྡེག་མི་ཕོད། དེས་ན་དུས་ཀྱི་ཀུན་སློང་ལ་ཞེ་སྡང་ཡོད་གསུངས། །དེ་བཞིན་བྲམ་ཟེ་ཁྱེའུ་བླ་མས་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ལ་བསམས་ནས་དེ་བཞིན་གཤེགས་པ་འོད་སྲུང་ལ་དགེ་སྦྱོང་མགོ་རེག་ལ་བྱང་ཆུབ་ག་ལ་ཡོད་སྨྲས་པས་དེ་ལ་ཡང་འབྲས་བུ་༼ལོ་དྲུག་བཀའ་སྤྱད་༽བྱུང་གསུངས། །༈ རྡོ་རྗེའི་གསུང་༨པ། རང་གཞན་བརྗེས་པས་ཉེས་པར་འགྱུར་བའི་སྐབས་ཡོད། བྱ་བ་ལག་ལེན་དངོས་ལ་གསུངས་པ་འདྲ་སྟེ་འདིར་ཞལ་སྔ་ནས། ལམ་ཚོགས་སྦྱོར་གཉིས་ལ་བསམ་པ་རྒྱ་ཆེན་པོ་བསྐྱེད་ནས་སྦྱོར་བ་སེམས་ཅན་གྱི་དོན་འགྲུབ་༼སྒྲུབ་༽ཆེད་༼དགེ་བའི་བྱ་བ་༽ལྕོགས་ཚད་བྱས་ཀྱང་། ལས་རྔམ་པོ་ཆེ་ལ་འཇུག་མི་ནུས་ཏེ་དཔེར་ན། མྱུ་གུ་ལ་མ་ཟོས་སྲུབས་༼འབྲུ་ཤུན་པ་མ་བཤུས་ནས་ལྗང་གུར་གནས་པའི་ཚེ་སུབས་ཞེས་བརྗོད་གསུངས་དེའི་ཐུག་པ་སུབས་ཐུག་ཅེས་པ་ཞིམ་མངར་འཛོམ་པའང་ཡོད་གསུངས་༽སུ་ཟོས་ན་༼ཕན་ཐོགས་༽འབྱུང་ཆེ་བ་དང་འདྲ་བས་ཕལ་ཆེར་རང་གཅེས་པའི་དུས་ཡིན། མཐོང་ལམ་ནས་བཟུང་སྟེ་ས་བདུན་མན་ཆད་དུ་བསམ་སྦྱོར་གཉིས་ཀ་ནར་སོན་པས་སྤྱོད་པ་ལ་འཇུག་པ་ཡིན་ཀྱང་། རྟུལ་ཞུགས་འབྲིང་ཡིན་པས་སྲུབས་སུ་མ་ཟོས་ནས་༼འབྲུ་༽སུ་ཟོས་ན་འབྱུང་ཆེ་བ་དང་འདྲ་བས་རང་གཞན་མཉམ་པའི་དུས་ཡིན། ས་བརྒྱད་པ་ནས་བཟུང་སྟེ་ས་བཅུ་པ་ཚུན་ཆད་དུ་བསམ་སྦྱོར་གཉིས་ཀ་སྟོབས་ཆེ་བས་གཞན་དོན་རྒྱ་ཆེན་པོ་ཡང་འགྲུབ། སྤྱོད་པ་རླབས་པོ་ཆེ་ལ་ཡང་འཇུག་ནུས། བརྟུལ་ཞུགས་ཀྱང་རབ་ཏུ་གྱུར། སྡུག་བསྔལ་བཟོད་པའི་སྟོབས་ཀྱང་བརྙེས། གཏོང་བ་ཆེན་པོ་ལ་འཇུག་པའི་དུས་ཀྱང་ཡིན། སངས་རྒྱས་ཀྱི་ཞིང་བཀོད་པ་ཡང་སྒྲུབ་ནམཁའ་མཛོད་ཀྱི་ཏིང་ངེ་འཛིན་ཡང་ཐོབ་པས་ས་ཆོད་དེ་རང་བས་གཞན་གཅེས་པའི་དུས་ཡིན་ཏེ། །ཞེས་གསུངས་པ་ལྟ་བུས་མཚོན་ནུས། །དེས་ན་གཏོང་ལེན་བསམ་པས་སྦྱང་བ་ལ་ཉེས་པ་མེད་པར་མངོན་སྙམ། །འོན་ཀྱང་འོག་ཏུ་ཕག་གྲུའི་ལུང་ལ་བརྟེན་ནས་གཏོང་ལེན་བྱས་ནས་གཞན་གྱི་སྡུག་བསྔལ་རྣམ་པ་ཐམས་ཅད་རང་ལ་མ་སྨིན་པར་རང་སྡུག་ཁོ་ནར་ཟད་དགོངས་ན་བརྟག་དགོས་སོ། །སྐབས་འདིའི་ལམ་དུ་གཏོང་ཚུལ་ནི་བསམ་པའི་སྦྱོང་སྐབས་གོ་སྐབས་བཟུང་ནས་བོགས་འདོན་དུ་བྱུང་བས་འགལ་བ་མེད་དོ། །འོན་ཀྱང་གཏོང་ལེན་སྐབས་སྡུག་བསྔལ་ནད་དང་སེམས་གསོ་ཤི་ནས་སེམས་ཆུང་ནད་ལྟ་བུ་འགའ་ཞིག་ལ་བྱུང་བ་ནི་ཤེས་རབ་ཀྱི་ཐབས་མཁས་དང་བསོད་ནམས་ཀྱི་བསགས་རྒྱབ། དགེ་བའི་བཤེས་གཉེན་གྱིས་མ་ཟིན་པའི་ལན་ཏེ་གསང་བའི་གདམ་པ་སྤྱད་པར་བྱ། །གསུངས་པ་ལྟར་ལམ་འདིའི་གནད་གསང་ཤེས་དགོས་སྙམ་སྟེ་སྔར་བཀའ་གདམས་བླ་མ་རྣམས་གསང་བར་ཉམས་བཞེས་གནང་གི་ཡོད་པ་ལོ་རྒྱུས་ལ་གནད་བཙལ་ན་ཤེས། ། ༈རྡོ་རྗེའི་གསུང་༩པ། བྱང་ཆུབ་སེམས་དཔའ་ལ་གནོད་པ་བྱས་པས་བདེ་བར་འབྲེལ་མི་སྲིད། བྱ་བ་ནི་བྱང་སེམས་ལ་ངན་འབྲེལ་བྱུང་བ་དེས་ནམ་ཞིག་ན་འགྱོད་པས་བཤགས་པ་བྱས་ཚོགས་རྒྱ་ཆེར་མ་བསགས་ན་བདེ་བར་འབྲེལ་མི་སྲིད་བྱ་བའི་དོན་དུ་འདུགོ །འདི་གསུངས་པའི་དགོས་པ་ནི་དེ་ཚེ་དེའི་དུས་ལ་གང་ལ་གནོད་པ་བྱས་ཀྱང་བདེར་འབྲེལ་བ། །སོགས་ཀྱི་ལུང་མང་པོ་ཞིག་ལ་འཁྲུལ་གཞི་བྱས་ནས་བྱང་སེམས་དང་བཟང་འབྲེལ་ངན་འབྲེལ་གང་བྱས་ཀྱང་བདེ་བར་འབྲེལ་བའི་ལོག་རྟོགས་ཆེན་པོ་བྱུང་བ་འགག་པའི་ཆེད་དུ་འོ། །

༈ ༡༨ ༡༢ ༡༢ དགོངས་གཅིག་བྱད་སེམས་གནད་བསྡུས་ཀྱི་འཚོམས་༢༤ལས་རྡོ་རྗེའི་གསུང་༡༠པ། དགེ་མི་དགེ་འབྲས་བུ་ངེས་པར་སོ་སོར་འབྱུང་། བྱ་བ་ནི་༈ རྡོ་རྗེའི་གསུང་༡༡པ། ནག་ཆོས་བཞིས་ཚེ་རབས་གཞན་དུ་སེམས་བསྐྱེད་བརྗེད་སྲིད་པ་ལས་འཆོར་བ་ནམ་ཡང་མི་སྲིད་ཅེས་ཚོམ་པོ་ཆེ་དྲི་མ་མེད་པའི་ལོ་རྒྱུས་དང་བཅས་གསུངས། །འོ་ན་སེམས་བསྐྱེད་ཕྱིན་ཆད་འཆོར་མི་སྲིད་སྙམ་ན། འཆོར་བའི་རྒྱུ་གཅིག་བུ་ནི་ལོག་ལྟ་ཡིན། བྱང་ཆུབ་ཀྱི་སེམས་ནི་ཕ་ལམ་དང་འདྲ་སྟེ་ལོག་ལྟ་ལུག་རྭ་ཡིས་མ་གཏོགས་གཞན་གང་གིས་འཆོར་མི་སྲིད་པ་གསུངས་པས་དེ་ལ་འཇུག་ཏུ་ཡོད་པ་ནི་ཨེ་མ་ཤིན་ཏུ་བསྐལ་པ་བཟངས་སོ། །དེའི་རྗེས་མི་འཆོར་བའི་རྒྱུ་མཚན་བཞི་གསུངས་པ་ཚིག་བསྡུ་ན། ༡དམིགས་པ་སངས་རྒྱས་ནི་བསམ་གྱིས་མི་ཁྱབ་པས་དགེ་རྩ་ཆུང་ངུ་ཡིན་ཡང་མཐར་ཕྱིན་པ་དང་། ༢བར་མ་དོར་ཆུད་ཟོས་མི་འགྱུར་པ་དང་། ༣སེམས་ཅན་ཐམས་ཅད་ཀྱི་རྒྱུད་བདེ་གཤེགས་སྙིང་པོ་གདོད་ནས་རྟག་པའི་ངོ་བོར་གནས་པ་དང་། ༤འཇུག་སྡོམ་གྱི་བསླབ་བྱ་ཕྲ་མོ་དགེ་བའི་ལས་ཅི་རིགས་ཀྱང་འཇུག་སྡོམ་དུ་གྱུར་པས་མཐར་བྱང་ཆུབ་ཏུ་གཞོལ་བའི་གནད་དེ་བཞི་པོས་བྱང་ཆུབ་ཀྱི་སེམས་འཆོར་མི་སྲིད་དོ། །༈ རྡོ་རྗེའི་གསུང་༡༢པ། སྒྲིབ་པ་༼ལས་སྒྲིབ་ཉོན་སྒྲིབ་ཤེས་སྒྲིབ་༽གསུམ་ཉོན་མོངས་པའི་སྒྲིབ་པ། བྱ་བ་ལ་རྩ་བ་ཉོན་མོངས་པ་ཆེས་རགས་སུ་སོང་ནས་སྒོ་གསུམ་གྱི་ཉེས་སྤྱོད་ཐོན་པ་ལས་ཀྱི་སྒྲིབ་པ། ཉེས་སྤྱོད་མ་ཐོན་པ་ཉོན་མོངས་ཙམ་དུ་ལུས་པ་ཉོན་མོངས་པའི་སྒྲིབ་པ། ཉོན་མོངས་མེད་ཀྱང་དེའི་བག་ཆགས་ལྒོག་དྲི་ལྟ་བུ་ལུས་པ་ཤེས་བྱའི་སྒྲིབ་པ་ཡིན་པས་ཆོས་པ་རྣམས་ཀྱི་གང་ལ་འཐབ་དགོས་པའི་དགྲ་བོའི་འབེན་དངོས་སུ་ངོས་ཟིན་པའོ། །༈ རྡོ་རྗེའི་གསུང་༡༣པ། ༼དོན་དམ་པའི་གནས་ལུགས་༽བདེན་པ་ནི་གྲུབ་མཐའ་ཇི་སྙེད་པས་སྒྲིབ། བྱ་བ་ནི། མགོན་པོ་ཀླུ་ཡིས། ལྟ་བ་ཐམས་ཅད་སྤང་པའི་ཕྱིར། །གསུངས་པ་དང་། ས་སྐྱས། འཛིན་པ་བྱུང་ན་ལྟ་བ་མིན། །གསུངས་པས་གནས་ལུགས་དོན་དམ་ཞིག་གྲུབ་མཐས་ཁས་བླང་དུ་གྱུར་ན་སྨྲ་བསམ་བརྗོད་མེད་དང་ཁས་ལེན་བྲལ་བ་ཞེས་སོགས་བརྗོད་དགོས་དོན་ག་ལ་ཡོད། །དེ་ནི་ལྐུགས་པས་བུ་རོ་ལྟར་རང་ཉིད་ཀྱིས་མྱོང་བས་ངེས་དགོས་པ་ལས་གྲུབ་མཐར་ཞེན་བློ་བཤིག་དགོས་པར་སྣང་། །ཏེ་ལོ་ང་ཡིས་ཅི་ཡང་བསྟན་དུ་མེད། །རང་གིས་རང་ལ་མཚོན་ནས་རྟོགས་པར་བྱོས། །ཞེས་པ་ལྟ་བུ་ལགས་སོ། །ཡང་དེ་ལས་ལྡོག་ནས་གྲུབ་མཐས་རང་གི་ངོ་གདོང་གི་སྒྲོ་སྐུར་བཅད་པས་གནས་ལུགས་ལ་སྦྱོར་བ་ནི་ངེས་པར་བྱས་ཏེ། གཞན་དུ་ན་གྲུབ་མཐའ་དགོས་མེད་སོགས་སུ་གྱུར་རོ། །

༈ ༡༩ ༡༢ ༡༢ དགོངས་གཅིག་བྱད་སེམས་གནད་བསྡུས་ཀྱི་འཚོམས་༢༤ལས་རྡོ་རྗེའི་གསུང་༡༤པ། ཉན་ཐོས་ཀྱིས་ཀྱང་ཕྱོགས་གཅིག་བབས་ཀྱི་གནས་ལུགས་མཐོང་། བྱ་བ་ལ་ཇི་སྐད་དུ། ཉན་ཐོས་རྣམས་ཀྱི་ཆོས་དབྱིངས་དང་། །ང་ཡི་ཆོས་དབྱིངས་མཚུངས་པར་གཅིག །ཉན་ཐོས་རྣམས་ཀྱི་རྣམ་གྲོལ་དང་། །ང་ཡི་རྣམ་པར་གྲོལ་བའང་གཅིག །ཅེས་པས་གྲུབ་མཐར་བཟུང་བ་རྡུལ་ཕྲན་ཆ་མེད་དང་ཤེས་པ་སྐད་གཅིག་ཆ་མེད་བར་དུ་བཤིག་པ་གཅིག་ཅིང་དེ་ནས་དངོས་སྟོབས་ཀྱི་མྱོང་བས་ཆ་མེད་དེ་ཡང་བཤིག་ནས་བདེན་མེད་རྟོགས་པས་ཉོན་མོངས་སྤོང་དགོས་ཏེ་ཞི་སྒོར་གཉིས་པ་འོ། །༈ རྡོ་རྗེའི་གསུང་༡༥པ། ས་དྲུག་པ་མན་ཆད་ཉན་རང་གྱི་མངོན་རྟོགས་དང་ཐུན་མོངས་ཡིན། བྱ་བ་ལ་བྱང་སེམས་ས་དྲུག་པ་མན་ཆད་མཉམ་བཞག་ལ་བདེན་མེད་རྟོགས་པ་ལ་གཅིག་པར་མ་ཟད་རྗེས་ཐོབ་ཏུ་ཡང་ས་ལྔ་པར་བདེན་བཞི་ཕྲ་རགས་ལ་མཁས་པ་བཞིན་ཉན་ཐོས་ཀྱང་མཚུངས་པས་གཅིག །དྲུག་པར་རྟེན་འབྲེལ་ལུགས་འབྱུང་ལྡོག་ཕྲ་རགས་ལ་མཁས་པ་བཞིན་རང་རྒྱལ་ཀྱང་དེ་ལ་གཅིག་མཚུངས་སུ་མཁས་པར་གསུངས་པས། མདོར་ན་ས་དྲུག་པ་མན་ཆད་ཀྱིས་ཉན་རང་རྟོགས་པས་གཟིལ་གྱིས་གནོན་མི་ནུས་པར་གསུངས་ཤིང་འོན་ཏེ་རིགས་ཀྱི་སྒོ་ནས་ནི་བྱང་སེམས་ཚོགས་སྦྱོར་རྣམས་ཀྱིས་ཉན་རང་གཟིལ་གྱིས་ནོན་པར་གསུངས་སོ། །ལོ་རྒྱུས་ལ་བུ་མོ་མྱ་ངན་མེད་ཡོད། །དེས་འབྲེལ་ནས།༈ རྡོ་རྗེའི་གསུང་༡༦པ། སེམས་ཙམ་ནི་ས་བདུན་གྱི་མངོན་རྟོགས་རིང་དུ་སོང་། བྱ་བ་ནི་མཉམ་བཞག་ལ་ནི་ག་ལ་ཡིན་ཏེ་ས་དང་པོ་ནས་བདེན་མེད་མངོན་སུམ་དུ་རྟོགས་ཟིན་པའི་ཕྱིར། དེས་ན་རྗེས་ཐོབ་ཏུ་ཉན་རང་གིས་འཇུག་པར་དཀའ་བའི་མཉམ་བཞག་ལ་སྐད་ཅིག་གཅིག་ལའང་མཇུག་ལྡང་དུ་མ་བྱེད་ནུས་ཤིང་དངོས་པོ་གང་འདོད་སྒྱུར་ནུས་པའི་མཐུ་ཐོབ་པས་སེམས་ཅན་གྱི་དོན་ཐབས་མཁས་པའི་ཕ་རོལ་ཏུ་ཕྱིན་པ་ཐོབ་པའི་རྒྱུ་ཡི་གཙོ་བོ་ནི་ཆོས་ཀུན་སེམས་ཙམ་དུ་མངོན་སུམ་མྱོང་སྟོབས་ཀྱི་མངོན་རྟོགས་འཁྲུངས་པ་ལ་བརྟེན་ནས་བྱུང་བར་གསུངས་པས་ཉན་རང་གྱི་མངོན་རྟོགས་ལས་རིང་དུ་སོང་ཞེས་གསུངས། །རྒྱབ་བརྟེན་ལུང་ནི་འགྲེལ་པར་གསལ། །དེས་དྲངས་ནས་༈ རྡོ་རྗེའི་གསུང་༡༧པ།  ཆོས་བདག་མེད་པ་ས་བརྒྱད་པ་ལ་མངོན་དུ་བྱས། བྱ་བ་ལ་འགྲེལ་པ་བྱེད་མ་ནུས། འོན་ཏེ་གོང་གི་བབ་ལས། སོ་སྐྱེས་ཚོགས་སྦྱོར་ལ་ཆ་མེད་ཀྱི་ལྟ་བ་མངོན་དུ་གྱུར། ས་དང་པོ་ནས་དྲུག་པའི་བར་གང་ཟག་གི་བདག་མེད། བདུན་པ་ལ་ཕྱེད་བདག་མེད་སེམས་ཙམ། ས་བརྒྱད་པར་ཆོས་ཀྱི་བདག་མེད་དངོས་སྟོབས་ཉམས་མྱོང་གི་མངོན་སུམ་དུ་གྲུབ་པར་གསུངས་པ་འདྲ། །དེ་ཐམས་ཅད་མཉམ་བཞག་ལ་མི་བརྩིས་རྗེས་ཐོབ་ལ་ད་ལྟ་ངེད་རང་ཚོ་ལ་གང་སྣང་བདེན་པ་ཨ་ཐས་མངོན་སུམ་དངོས་སྟོབས་ཉམས་མྱོང་གི་ཚུལ་དུ་སྣང་བ་བཞིན་བཞག་དགོས་པ་འདྲ་སྟེ་བསམ་ཚུལ་ཙམ་མོ། །ལུང་སོགས་ཀྱི་དགོངས་འགྲེལ་འགྲེལ་པར་གཟིགས། །

༈ ༢༠ ༡༢ ༡༢ དགོངས་གཅིག་བྱད་སེམས་གནད་བསྡུས་ཀྱི་འཚོམས་༢༤ལས་རྡོ་རྗེའི་གསུང་༡༨པ། ས་ལམ་ཐམས་ཅད་རྟོགས་པ་གཅིག་གིས་འགྲོད། བྱ་བའི་དོན་ནི། ཐེག་པ་ཐུན་མོང་གི་སྟོང་ཉིད་དང་། ཐུན་མིན་གྱི་ལྷན་སྐྱེས་ཡེ་ཤེས་ལ། གསལ་སྣང་ཅུང་ཟད་ཐོན་ནས་གོང་འཕེལ་འགྱུར་བ་ལ་ཚོགས་སྦྱོར་ཏེ་རྩེ་གཅིག །དེའི་ངོ་བོ་མངོན་སུམ་དུ་མཐོང་བ་ན་མཐོང་ལམ་སྟེ་སྤྲོས་བྲལ། །ལུས་དང་སྣང་བ་ཐམས་ཅད་དེ་འདོར་ན་ཕྱི་རོལ་གྱི་འཁོར་བའི་སྣང་བའང་ཆོས་ཉིད་དེ་ཉིད་དུ་ནུབ་འགོ་ཚུགས་པ་དག་ས་སྟེ་རོ་གཅིག །མཉམ་རྗེས་དང་ཡུལ་ཡུལ་ཅན་གཉིས་མེད་དུ་རྟོགས་འདྲེས་གྱུར་ནས་མཉམ་བཞག་ངང་དེ་ག་ནས་འགྲོ་དོན་ལྷུན་གྲུབ་ནི་སངས་རྒྱས་ས་སྟེ་བསྒོམ་མེད། །དེས་ན་འཇིག་རྟེན་མགོན་པོས། ཅི་ལྟར་སྨྱུག་ཚིགས་མང་པོ་ལ། །བཀས་པའི་ཚུལ་གྱིས་ཐམས་ཅད་ཀྱང་། །གས་པ་གཅིག་གིས་བཀས་པ་ལྟར། །དེ་བཞིན་ཡེ་ཤེས་གཅིག་ནས་གཅིག །ཅེས་པ་ལྟར་རྟོགས་བྱ་ཆོས་ཉིད་གཅིག་གསལ་ཟབ་རིམ་གྱིས་མཐར་ཕྱིན་པའི་ཚུལ་དུ་གྱུར་པའོ། །༈ རྡོ་རྗེའི་གསུང་༡༩པ། ས་ཡི་ཡོན་ཏན་བྱུང་བ་མུ་དྲུག བྱ་བ་ནི། ས་ཐོབ་ནས་ས་དེའི་ཡོན་ཏན་ཇི་ལྟར་འབྱུང་བ་ལ། ༡རིམ་གྱིས་པའི་མུ། ༢ཅིག་ཆར་བའི་མུ། ༣འགའ་ཞིག་ཡོད་པ་དང་མེད་པའི་མུ། ༤ཡོད་ཀྱང་གཞན་གྱིས་མི་མཐོང་བའི་མུ། ༥རྣལ་འབྱོར་ཉམས་སྣང་གི་མུ། ༦ལུང་ཁུངས་ཀྱི་མུ་བཅས་ཀྱི་མུ་དྲུག་འགྲེལ་པ་དང་ལོ་རྒྱུས་ནི་འགྲེལ་པར་གསལ། །དོན་མདོར་ན་ས་ཐོབ་པ་དང་དེའི་ཡོན་ཏན་རྣམས་ཉི་མ་དང་འོད་ཟེར་བཞིན་སྐད་ཅིག་ལ་འབྱུང་མི་དགོས་པར་དོད་ཡོན་ཏན་རྣམས་སྦྱང་པའི་སྟོབས་ཀྱིས་འབྱུང་གསུངས། །དཔེར་ན་རྗེ་མི་ལ་ལྟ་བུ་བླ་མ་མར་པའི་དྲུང་དུ་ལོ་དྲུག་དང་ཕྱེད་ཀས་ས་དང་པོ་མཐོང་ལམ་ཐོབ་དེ་ནས་ཕ་ཡུལ་དུ་མི་རྟག་བསྐུལ་མས་བྲག་དཀར་རྟ་སོ་སོགས་སྒྲུབ་པའི་ཡོན་ཏན་རྣམས་སྦྱངས་པས་དོད་ཡོགས་གྲགས་གནམ་ལ་འཕུར་བ་དང་མངོན་ཤེས་སོགས་ས་དང་པོའི་ཡོན་ཏན་ཐོབ་གསུངས། །༈ རྡོ་རྗེའི་གསུང་༢༠པ། རྒྱུ་ལམ་འབྲས་བུ་ཐམས་ཅད་ཚོགས་གཉིས་ཟུང་འཇུག བྱ་བ་ནི། འཆད་ཚེ་བསོད་ནམས་དང་ཡེ་ཤེས་ཀྱི་ཚོགས་ཞེས་ཐ་དད་དུ་འཇོག་རྒྱུ་ཡོད་ཀྱང་ཉམས་སུ་ལེན་ཚེ་རྣམ་པ་ཐམས་ཅད་དུ་ཚོགས་གཉིས་ཟུང་དུ་འཇུག་པའམ་ཟུང་དུ་འབྲེལ་དགོས་གསུངས། །༈ རྡོ་རྗེའི་གསུང་༢༡པ། མཐོ་དམན་གང་དུ་ཡང་ཞིང་གདམ་པ་གནད། བྱ་བ་ལ་ཞལ་སྔ་ནས། རྒྱུད་ཚོད་མཐོ་དམན་གང་ཡིན་ཀྱང་ཞིང་གདམ་དགོས་ཏེ། ༡བསོད་ནམས་ཀྱི་ཚོགས་ཅུང་ཟད་གཅིག་བསགས་ཀྱང་གནས་སྐབས་དང་མཐར་ཐུག་ཏུ་འབྲས་བུ་རྒྱ་ཆེན་པོ་བྱུང་བ་དང་། ༢དགེ་བའི་རྩ་བ་དེ་རང་གཞན་གྱི་དོན་དུ་བསྔོས་པས་རང་གཞན་གྱི་དོན་རྒྱ་ཆེན་པོ་འབྱུང་བ་དང་། ༣ཡུལ་དམན་པ་གསུམ་ལ་སྦྱིན་ན་འབྲས་བུ་ཆུང་ངུ་ལས་མི་འབྱུང་བའི་སྟེང་དུ་ཉེས་པ་གསུམ་འབྱུང་བ་དང་༼བཅས་༽རྒྱུ་མཚན་གསུམ་གྱིས་མཐོ་དམན་གང་དུ་ཡང་ཞིང་གདམ་དགོས། །གསུངས། །ཞིང་དམན་པ་གསུམ་དང་དེའི་ཉེས་པ་གསུམ་འགྲེལ་པར་གསལ། །འོན་ཏེ་ཞིང་དམན་པ་བྱུང་ན་ཞིང་དམ་པར་སྒྲུབ་དགོས་པར་གསུངས་ཏེ། ཆོས་ཐམས་ཅད་རང་གི་སེམས། སེམས་གར་ཡང་བསྒྱུར་བཏུབ་པས་ཞིང་སངས་རྒྱས་སོགས་སུ་དམ་པར་བསྒྲུབས་ནས་འབུལ་དགོས། །དེ་ལྟ་མ་ཡིན་པར་ཞིང་དམ་པ་སངས་རྒྱས་ཀྱང་རང་སེམས་མ་དག་པས་ཞིང་དམན་པར་བསྒྲུབ་ཏུ་ཡོད་པས་གཟབ་འཚལ་གསུངས་སོ། །ཕག་གྲུས། བྱམས་པ་སྒོམ་པའི་སྒོམ་ཆེན་དེས། །་དགྲ་གཉེན་ཐམས་ཅད་ཕ་མར་མཐོང་། །བསྐྱེད་རིམ་བརྟན་པའི་སྒོམ་ཆེན་གྱིས། །སྣོད་བཅུད་ཐམས་ཅད་ལྷ་རུ་མཐོང་། །འོད་གསལ་སྒོམ་པའི་སྒོམ་ཆེན་གྱིས། །ཕྱོགས་རིས་མེད་པ་ཆོས་སྐུར་རྟོགས། །ཞེས་གསུངསོ། །

༈ ༢༡ ༡༢ ༡༢ དགོངས་གཅིག་བྱད་སེམས་གནད་བསྡུས་ཀྱི་འཚོམས་༢༤ལས་རྡོ་རྗེའི་གསུང་༢༢པ། ཆེད་དུ་བདག་ཏུ་བཟུང་ནས་ཚོགས་གསོག་པ་ཐབས་མཁས། བྱ་བ་ནི་སྤྱོད་འཇུག་ལས། འདི་ལ་བདག་གི་ཞེན་བྱ་བཞིན། །ཞེས་སོགས་གསུངས་པ་ལྟར་དང། འདིར་ཞལ་སྔ་ནས། འདི་མེད་ན་སྐྱོན་དང་ཡོན་ཏན་བགག་སྒྲུབ་ཆོས་གང་ཡང་མ་བཟུང་བའི་བློ་ཆོལ་ལེ་༼ཉོག་ལེ་༽དེ་ནི་གཏི་མུག་ཡིན་པས་སླར་ཡང་བདག་འཛིན་མཁྲེག་པར་གྱུར་ནས་སྤོང་དཀའ། བདག་མེད་ཀྱི་དོན་རྟོགས་པ་ལྟ་ཅི་དགོས་པ་ལས་སླ་བ་ཡང་མི་གྲུབ་པས། ཆེད་དུ་བདག་ཏུ་བཟུང་བ་འདི་ཟབ་གསུངས། །དེས་ནས་དངོས་པོ་རྣམས་བདག་ཏུ་བཟུང་ནས་ཡུལ་གོང་མ་དང་དོན་རྒྱ་ཆེན་པོ་ལ་མཆོད་པ་ནི་ཐབས་མཁས་ཏེ། དེ་ཉིད་ལས། ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །ཅེས་སོགས་བྱུང་བའི་ཕྱིར་སོ། །༈ རྡོ་རྗེའི་གསུང་༢༣པ། འཁོར་འདས་ཐམས་ཅད་ཀྱི་དགེ་བའི་རྩ་བ་བསྔོ་བ། བྱ་བ་ནི་གོང་ལས་འཕྲོས་ཏེ་ཐབས་མཁས་པས་འཁོར་འདས་ཐམས་ཅད་ཀྱི་དགེ་བའི་རྩ་བ་བསྔོ་བ་ལ་ཐོབ་ཐང་ཡོད་པར་གསུངས་ཏེ། བདག་དང་འཁོར་འདས་ཐམས་ཅད་༡རང་སེམས་ཡིན་པས་གང་བསྒྱུར་བསྒྱུར་དུ་ཡོད་པའི་ཕྱིར་དང་། ༢ཆོས་དབྱིངས་ལ་ཁྱད་པར་མེད་པའི་ཕྱིར་དང་། ༣མ་རྒན་གྱི་དོན་དུ་སེམས་བསྐྱེད་པས་མ་ཡི་བུ་རང་ཉིད་ཡིན་པས་མ་རྒན་སེམས་ཅན་ཐམས་ཅད་ཀྱི་དགེ་རྩ་རང་ལ་དབང་བ་དང་། ༤སངས་རྒྱས་རྣམས་ཀྱིས་དང་པོ་ཐུགས་བསྐྱེད་བར་དུ་ཚོགས་བསགས་ཐ་མར་སངས་རྒྱས་ནས་ཆོས་བསྟན་པའི་དགེ་རྩ་ཇི་སྙེད་པ་ཐམས་ཅད་སེམས་ཅན་གྱི་དོན་དུ་བས་ན་ངེད་རང་རྣམས་ཀྱི་དགེ་རྩ་དེ་ཐམས་ཅད་བསྟན་པ་དང་སེམས་ཅན་གྱི་དོན་བསྔོ་ཆོག་གསུངས། །མདོར་ན་བསྔོ་བ་གལ་ཆེ། །༈ རྡོ་རྗེའི་གསུང་༢༤པ། ༼མ་ཟད་༽སངས་རྒྱས་བླ་མ་ལ་ཡང་བསྔོ་བ་དགོས། བྱ་བ་ནི་ཞལ་སྔ་ལས། ༼སངས་རྒྱས་དང་བླ་མའི་༽འཕྲིན་ལས་རྫོགས་པ་ལ་མྱུར་བས་སངས་རྒྱས་དང་བླ་མ་ལ་ཡང་བསྔོ་བ་བྱས་ན་ལྷག་པར་དགའ་གསུངསོ།། །།བསྐལ་པ་དུ་མ་རབ་དགོངས་མཛད་པ་ཡི། །ཐུབ་དབང་རྣམས་ཀྱི་དེ་ཉིད་ཕན་པར་གཟིགས། །བཞི་པ་བྱང་སེམས་གནད་བསྡུས་ཀྱི་ཚོམས་ཀྱི་ཟིན་བྲིས་ཐལ་ལོ།། །།

༈ ༩-༡༤ ༡༢ ༡༢ དགོངས་གཅིག་ཟིན་བྲིས། །

འདུལ་བ་མཐར་ཐུག་གསང་སྔགས་ཀྱི།འཛོད་འཛིན་བླ་མ་མར་པར་འདུད།

༈ ༩-༡༤ ༡༢ ༡༢ དགོངས་གཅིག་འདུལ་བའི་གནད་བསྡུས་ཀྱི་འཚོམས་༢༠ལས་རྡོ་རྗེའི་གསུང་༡པོ། འདུལ་བ་ཐེག་པ་ཐུན་མོང་ཡིན། བྱ་བ་ནི། དུས་རྒྱུན་ལྟར་ཐེག་ཆེན་པས་ཀྱང་འདུལ་བ་བླང་བྱ་གཙོ་བོར་གསུངས་པ་རེད། །འཕགས་པ་ཉེ་བ་འཁོར་གྱིས་ཞུས་པའི་མདོ་ལས། བྱང་ཆུབ་སེམས་དཔའི་སོ་སོར་ཐར་པ་ཞེས་དང་། །ལུང་རྣམ་འབྱེད་ལས། ཇི་ལྟར་འདི་ན་ཤིང་རྩ་གཙོ་བོ་སྟེ། །རྣམ་པར་འཕེལ་དང་ཀུན་འཛིན་གཉིས་ཀྱི་ཞིང་། །དེ་ཕྱིར་དམ་ཆོས་ཚོགས་རྣམས་ཀུན་གྱི་ཡང་། །གཞི་དང་རྩ་བ་འདུལ་བ་ཡིན་པར་གསུངས། །ཞེས་གསུངས་སོ། །༈ རྡོ་རྗེའི་གསུང་༢པ། ལྷག་པར་ཐེག་པ་ཆེན་པོར་བཞུགས་པ་གསལ་བ། །བྱ་བ་ནི། དོན་གྱི་དབང་དུ་ན་འདུལ་བ་ན་ལྷག་པར་ཐེག་པ་ཆེན་པོར་བཞུགས་པ་གསལ་སྟེ། བཅོམ་ལྡན་འདས་བསྐལ་ཆེན་གྲང་མེད་གསུམ་དུ་སངས་རྒྱས་མཆོད་ཅིང་ཚོགས་བསགས་ཚུལ་འདུལ་བ་ལུང་སྨན་གྱི་གཞི་དང་། མཛོད་ལས་གསུངས་ཤིང་གཞན་ཡང་མང་ངོ་། །

༡༠ ༡༢ ༡༢ ༈ དགོངས་གཅིག་འདུལ་བའི་གནད་བསྡུས་ཀྱི་འཚོམས་༢༠ལས་རྡོ་རྗེའི་གསུང་༣པ། ཚུལ་འཁྲིམས་རིན་པོ་ཆེ་ཐམས་ཅད་མཁྱེན་པའི་ཡེ་ཤེས་ཡིན། །བྱ་བ་ནི་རྒྱུན་དུ་ཚུལ་འཁྲིམས་ཀྱི་གནད་ཕྲ་མོ་ཐམས་ཅད་མཁྱེན་པའི་སྤྱོད་ཡུལ་དུ་གསུངས་པ་ལྟར་འདིར་ཡང་ཡིན་ཏེ། འདིར་ཞལ་སྔ་ནས། འདུལ་བ་ཐམས་ཅད་མཁྱེན་པ་ཉག་ཅིག་གིས་སྤྱོད་ཡུལ་ཡིན་པས་ས་བཅུའི་དབང་ཕྱུག་ཆེན་པོ་རྣམས་ཀྱིས་ཀྱང་དམ་ཆོས་འདུལ་བ་ལ་བསླབ་པའི་གཞི་བཅའ་བར་མི་ནུས་ན་དེ་མན་ཆད་ཀྱི་བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་དག་གིས་ལྟ་སྨྲོས་ཀྱང་ཅི་དགོས། །ཞེས་གསུངས་པ་བཞིན་ནོ། །མཁན་པོ་པཎ་རྩེས། རང་རེའི་སྟོན་པའང་འདུལ་བ། བསྟན་པའང་འདུལ་བ་གསུངས། །༈ རྡོ་རྗེའི་གསུང་༤པ། ༼སྡོམ་པ་༽སྐྱེ་བའི་བར་ཆད་ཐམས་ཅད་འབྲས་བུ་ཐོབ་པའི་བར་ཆད་ཡིན། །བྱ་བ་ལ་ཞལ་སྔ་ནས། ༼སྡོམ་པ་སྐྱེ་བའི་བར་ཆད་༽བཞི་པོ་དེ་ལས་སྐྱེ་བའི་བར་ཆད་དུ་གསུངས་པ་དེ་དག་ནི་དགེ་སྦྱོང་གི་འབྲས་བུ་སྐྱེ་བའི་བར་ཆད་དུ་གསུངས་པ་ལས་སྡོམ་པ་མི་སྐྱེ་བ་མ་ཡིན་པར་བཞེད་གསུངས། །ལོ་རྒྱུས་གླེང་ཡང་མང་དུ་བཞུགས། །༈ རྡོ་རྗེའི་གསུང་༥པ། སྡོམ་པའི་ངོ་བོ་རྣམ་པ་རིག་བྱེད་མ་ཡིན་པའི་གཟུགས། །བྱ་བ་ལ་བསྡོམ་སྙིང་བསྡུས་འདི་འདྲ་ཞིག་གསུངས་ཏེ། ཆོས་ཐམས་ཅད་དགེ་མི་དགེའི་བསམ་པ་གང་སྐྱེས་པ་དེའི་རང་གཟུགས་སུ་གྲུབ་པས་བསམ་པའི་རང་གཟུགས་ཞེས་ཀྱང་བྱ་སྟེ། སྡོམ་པའི་ངོ་བོ་དེ་དེར་མི་འོང་ཁ་མེད་པས་གནད་ཆོས་ཐམས་ཅད་བསམ་པའི་རང་གཟུགས་ཡིན། གསུངས་པས་གནད་ཕྲ་བས་རྟོགས་དཀའ་སྙམ། །

༈ ༡༡ ༡༢ ༡༢ རྡོ་རྗེའི་གསུང་༦པ། ལྟུང་བ་ཐ་དག་ལ་འདུ་ཤེས་གཙོ། བྱ་བ་ལ་འདིར་ཕམ་ལྷག་དང་པོ་གཉིས་ལའང་འདུ་ཤེས་གཙོ་བ་ཡིན་གསུངས་པས་འོག་ཏུ་འང་ཚེ་འཕོས་པས་སྡོམ་པ་མི་གཏོང་བའང་འདིའི་གནད་ཀྱིས་སོ། །འདིར་ལོ་རྒྱུས་གླེང་གཞི་ལ་དགེ་སློང་གཉིད་ལ་བུད་མེད་ཚོགས་ཅན་དང་ལྕེ་ཐུན་མ་གཉིས་ཀྱིས་བཀབ་པ་དང་། དགེ་སློང་མ་སེར་སྐྱ་བཟང་མོ་མ་སྐྱེས་དགྲས་བཙུན་མོ་ཞག་བདུན་བྱས་སུ་བཅུག་པ་ལྟ་བུར་གསུངས། །༈ རྡོ་རྗེའི་གསུང་༧པ། གཙོ་བོ་ཡིད་ཀྱི་གསུམ་སྤོང་བ། བྱ་བ་ནི་གོང་གི་བཟླས་དྲངས་པ་འོ། ཚིག་དོན་ནི་སླ། །༈ རྡོ་རྗེའི་གསུང་༨པ། གཏོང་བའི་རྒྱུ་དེ་དག་གིས་མི་གཏོང་བ་ཡང་ཡོད། །བྱ་བ་འདིའི་བསྡོམས་བསྡུས་ན། སྡོམ་པ་གཏོང་བའི་རྒྱུ་དགུ་ནི། འདུལ་བ་ལུང་ལས། ༡མཚན་ལན་གསུམ་གྱུར་པ་དང་། ༢ཉི་ཤུ་མ་ལོན་དེར་ཤེས་པ་དང་། ༣དམ་པའི་ཆོས་ནུབ་པ་དང་། ༤རྩ་ལྟུང་བྱུང་བ་དང་བཞི། དེ་བཞིན་མངོན་པ་མཛོད་ལས། ༡བསླབ་པ་ཕུལ་དང་༢ཤི་འཕོས་དང་། །༣རྩ་བ་ཆད་དང་༤མཚན་འདས་དང་། །༥མཚན་གཉིས་ཅིག་ཆར་བྱུང་བས་ན། །སོ་སོར་ཐར་པའི་སྡོམ་པ་གཏོང་། །ཞེས་ལྡ་སྟེ་དགུར་གསུངས་ལས། ཞལ་སྔ་ནས་དགུ་པོ་འདི་ལས་འགའ་ཞིག་མི་གཏོང་བའང་ཡོད་གསུངས་ཏེ། ༡བསླབ་པ་ཕུལ་བ་ལ་མུ་བཞི། །༢རྩ་བ་ཆད་པ་ནི་ལོག་ལྟ་ཡིན་པས་གཏོང་། །༣མཚན་འདས་བསྙིན་གནས་ཡིན་པས་གཏོང་མི་གཏོང་ཆ་གཉིས་སུ་ཡོད། །༤དམ་ཆོས་ནུབ་སྐབས་གཏོང་བ་དང་མ་ངེས་པ་དང་མི་གཏོང་བ་སྟེ་གསུམ་ཡོད། །༥རྩ་ལྟུང་བྱུང་ན་གང་བྱུང་ས་ངོས་ནས་གཏོང་པ་ལས་ལྷག་མ་ལུས་པ་ནི་མ་གཏོག་གསུངས། །༦ཤི་འཕོས་པ་ལ་གཏོང་མི་གཏོང་གཉིས་ཀ་ཡོད།  །༧མཚན་གཉིས་ཅིག་ཆར་བྱུང་ན་ཕ་མ་གང་གི་ཁོངས་སུ་མ་གཏོགས་པས་སྤྱིར་གཏོང་། །༨ལན་གསུམ་གྱུར་ན་གཏོང་། །ཉི་ཤུ་མ་ལོན་དེར་ཤེས་ལའང་བསྲུང་བསྡོམ་ཤུགས་ཆེར་ཡོད་མི་གཏོང་གསུངས། །མདོར་ན་འདིར་གཙོ་བོ་བསྲུང་སེམས་ཤུགས་ཆེར་ཡོད་མེད་ལ་འཇོག་གི་འདུག་པས་གཙོ་བོ་ཉམས་ལེན་གྱི་དབང་དུ་བྱེད་འདུག་སྙམ་པས་བསྟན་པ་སྤྱི་མཚན་ནས་ཞུས་ན་ཏག་ཏག་བསྡད་ཨ་ཡོང་བསམ་པའང་གྱི་ན་པ་ང་རང་གིས་བསམ་ཚུལ་ལགས་སོ། །༈ རྡོ་རྗེའི་གསུང་༩པ། ཕམ་པ་བཞི་ནི་བུ་ལོན་ནོར་ཅན་བཞིན། བྱ་བ་ནི་གཏོང་རྒྱུ་རྩ་ལྟུང་སྐབས་བཤད་ཟིན། །

༡༢ ༡༢ ༡༢ ༈ རྡོ་རྗེའི་གསུང་༡༠པ། སྣ་གཅིག་བསྲུངས་པས་འབྲས་བུ་མྱ་ངན་ལས་འདས་པ། བྱ་བའི་སྐབས་བདག་ཅག་གི་སྟོན་པ་བཅོམ་ལྡན་འདས་ཀྱིས་སྙིང་རྗེ་པད་དཀར་ལས། གང་དག་ང་ཡི་བསྟན་པ་འདི་ལ་རབ་ཏུ་བྱུང་བ་དག རབ་ཏུ་བྱུང་ནས་བུ་ལག་ནས་བཟུང་སྟེ་བུ་དང་ལྷན་ཅིག་ཏུ་ཆང་སྐྱོགས་ཀྱི་ཕྱིར་འཆང་བའི་ཁྱིམ་དང་ཆང་༼གི་༽བའི་ཁྱིམ་དུ་འཁྱམ་༼པ་༽པའམ་ང་ཡི་དམ་པའི་ཆོས་༼ཀྱི་༽ནི་རྗེས་སུ་སློབ་པ་དེ་དག་ཐམས་ཅད་ཀྱང་། ཀུན་དགའ་བོ་བསྐལ་པ་བཟང་པོ་འདི་ལ་ཡོངས་སུ་མྱ་ངན་ལས་འདས་ནས་སངས་རྒྱས་དགུ་བརྒྱ་༼དགུ་བཅུ་༽དྲུག་ཅུ་རྩ་དྲུག་འབྱུང་བའི་ཚེ། ངའི་བསྟན་པ་འདི་གང་དག་དགེ་སྦྱོང་གི་རིགས་ཅན་དགེ་སྦྱོང་ཤིན་ཏེ་མ། དགེ་སྦྱོང་དུ་ཁས་འཆེ་བ། དགེ་སྦྱོང་ལྟར་བཅོས་པ། ངུར་སྨྲིག་གྱོན་པ་བྱུང་བ་དེ་དག་ཐམས་ཅད་ཀྱང་། གང་བྱམས་པ་ནས་མོས་པ་ཐུག་གི་བར་དུ་ཕྱིེས་འབྱུང་བའི་སངས་རྒྱས་བཅོམ་ལྡན་འདས་དེ་དག་གི་འོག་ཏུ་མཐར་གྱིས་མྱ་ངན་ལས་འདའ་བར་འགྱུར་རོ། །དེ་དག་ཐམས་ཅད་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་སྟེ། དགེ་སློང་གཅིག་ཀྱང་ལྷག་མ་མི་ལུས་པར་འགྱུར་རོ། །ཞེས་པའི་ལུང་རྒྱབ་ལྗོངས་ཀྱི་རིགས་པ་ལ་བརྟེན་ནས་འདིར་བྱེ་བྲག་གི་གླེང་གཞི་དང་རིགས་པ་གསུངས་སོ། །༈ རྡོ་རྗེའི་གསུང་༡༡པ། བཅས་པ་དང་རང་བཞིན་གྱི་ཁ་ན་མ་ཐོ་བ་གཅིག་ཡིན། བྱ་བའི་དོན་གཙོ་བོ་ནི་གཤིས་ལ་ཉེས་པ་མི་དགེ་བ་ཞིག་འབྱུང་རུང་ལ་དགོངས་ནས་བཅས་པ་མཛད་པ་ལས་སྟོན་པས་རང་དགར་ག་ལ་མཛད་ཅེས་སྟོན་པའི་དོན་རླབས་པོ་ཆེ་ཞིག་ཡིན། །དེས་བཟླས་དྲངས་ནས། ༈ རྡོ་རྗེའི་གསུང་༡༢པ། ཁམས་གསུམ་གྱི་རྒྱལ་པོས་འགྲོ་བ་སྤྱི་ལ་བཅས། བྱ་བ་འདི་བྱུང་། ། དེས་ན་བཅོམ་ལྡན་འདས་ཀྱིས་བཅས་པ་ཐམས་ཅད་ཀྱང་འགྲོ་བ་སྤྱི་ལ་བཅས་པ་ཡིན་ཏེ། ཁོང་དང་པོ་ཐུགས་བསྐྱེད་བར་དུ་གྲངས་མེད་གསུམ་གྱི་ཚོགས་བསགས་མཐར་སངས་རྒྱས་ནས་ཆོས་འཁོར་བསྐོར་བ་ཐམས་ཅད་རྗེས་འབྲངས་སྲས་རྣམས་ཁོ་ནའི་དོན་དུ་ག་ལ་ཡིན་ཏེ། སེམས་ཅན་ཀུན་གྱི་དོན་དུ་ཡིན་ནོ། །གསུངས། །

༈ ༡༣ ༡༢ ༡༢ དགོངས་གཅིག་འདུལ་བའི་གནད་བསྡུས་ཀྱི་འཚོམས་༢༠ལས་རྡོ་རྗེའི་གསུང་༡༣པ། སྡིག་པ་དང་ལྟུང་བ་ཐ་དད་མེད་ཅིང་གཅིག་པ་ཡིན། །བྱ་བ་ནི་གོང་དུ་བཤད་ཟིན་པ་བཞིན་བཅས་པ་དང་རང་བཞིན་གྱི་ཁ་ན་མ་ཐོ་བ་གཅིག་པའི་ཕྱིར་དང་། བཅས་པ་ཐམས་ཅད་འགྲོ་བ་སྤྱི་ལ་བཅས་པའི་གནད་ཀྱིས་སྡིག་ལྟུང་ཡང་ཐ་དད་མེད་ཅིང་གཅིག་པ་ཡིན་གསུངས། །༈ རྡོ་རྗེའི་གསུང་༡༤པ། སྤྱིར་བཀག་པ་ཐམས་ཅད་ཡེ་བཀག་དང་གནང་བ་ཐམས་ཅད་ཡེ་གནང་ཡིན། བྱ་བ་ལ་ཞལ་སྔ་ནས། སྤྱིར་འཁོར་འདས་ཀྱི་གཤིས་ལ་དགེ་མི་དགེ་གཉིས་སུ་ཡོད་པ་ལ་གནས་དང་གནས་མ་ཡིན་པ་མཁྱེན་པའི་ཡེ་ཤེས་ལས་མི་འདའ་བ་དང་གཅིག དགེ་མི་དགེའི་རྗེས་སུ་འབྲེལ་ནས་བདེ་བ་དང་སྡུག་བསྔལ་སོ་སོར་འབྱུང་ངེས་པ་དང་གཉིས། བཅོམ་ལྡན་འདས་ཀྱིས་སེམས་ཅན་ཐམས་ཅད་ལ་བརྩེ་བ་བུ་བཞིན་དུ་དགོངས་ཀྱང་སྤང་བླང་གི་ཐབས་གཞན་མེད་པ་དང་གསུམ་གྱི་རྒྱུ་མཚན་དང་གནད་ཀྱིས་ཡ་བཀག་ཡེ་གནང་དུ་མི་ཡོང་ཁ་མེད་ཡིན་གསུངས། །དོགས་པ་གནང་བའི་རྗེས་སུ་དགག་པ་དང་སྒྲུབ་པའི་རྗེས་གནང་བའང་ཀུན་སློང་དགེ་མི་དགེར་གྱུར་ནས་གསུངས་བ་ལས་དོན་དུ་ཡེ་བཀག་ཡེ་གནང་ཡིན་ནོ། །༈ རྡོ་རྗེའི་གསུང་༡༥པ། འགྲོ་དྲུག་གང་གིས་བསྲུངས་ཀྱང་ཕན་ཡོན་འབྱུང་། བྱ་བ་ལ་ཞལ་སྔ་ནས། བཅས་པ་འགྲོ་བ་སྤྱི་ལ་བཅས་པའི་ཕྱིར་དང་། རྒྱུ་འབྲས་རྟེན་འབྲེལ་གྱི་གཤིས་མི་བསླུ་བའི་ཕྱིར་དང་། འོག་ཏུ་འབྱུང་བ་ལྟར་འགྲོ་བ་གང་གིས་བཅས་པ་ལས་འདས་ཀྱང་ཉེས་པ་འབྱུང་བའི་ཕྱིར་རྒྱུ་མཚན་གསུམ་པོའི་གནད་ཀྱིས་འགྲོ་དྲུག་གང་གིས་བསྲུངས་ཀྱང་ཡོན་ཏན་འབྱུང་གསུངས། །༈ རྡོ་རྗེའི་གསུང་༡༦པ། འགྲོ་དྲུག་གང་གིས་བཅས་པ་ལས་འདས་ཀྱང་ཉེས་པ་འབྱུང་། བྱ་བ་ནི་གོང་མ་ཐག་པའི་ལྡོག་ཕྱོགས་ནས་སོ། །༈ རྡོ་རྗེའི་གསུང་༡༧པ། བསྟན་པ་ལ་ཆོ་ག་ལྷག་པར་གལ་ཆེ། བྱ་བ་ལ་ཞལ་སྔ་ནས། ཐུབ་པ་ཆེན་པོ་འདས་པའི་རྗེས་སུ་ཐུབ་པས་མཁན་པོ་མཛད་པ་མེད་པས་གང་ཟག་ལས་སྡོམ་པ་ལེན་དགོས། །ཆོ་ག་མེད་པར་བསྲུངས་ཀྱང་བསྲུངས་པའི་འབྲས་བུ་ཕན་ཡོན་འབྱུང་མོད་ཀྱི། འོན་ཀྱང་དེ་བཞིན་གཤེགས་པའི་བསྟན་པ་ཆོ་གའི་རྣམ་པར་གནས་གསུངས་པས་ཆོ་ག་གལ་ཆེ་སྟེ། དེ་ལ་བསྟན་པའི་ཁྱད་ཆོས་མང་པོ་ཞིག་འབྱུང་རྒྱུ་ཡོད་པ་ཡིན་པས་ཆོ་ག་ལྷག་པར་གལ་ཆེ། །གསུངས། །

༈ ༡༤ ༡༢ ༡༢ དགོངས་གཅིག་འདུལ་བའི་གནད་བསྡུས་ཀྱི་འཚོམས་༢༠ལས་རྡོ་རྗེའི་གསུང་༡༨པ། མི་ཤེས་གཏི་མུག་པ་ལྷག་པར་ཉེས་པ་ཆེ། བྱ་བ་ནི་ཉེ་བ་འཁོར་གྱིས་ཞུས་པ་ལས། འདོད་ཆགས་ནི་ཉེས་པ་ཆུང་ལ་འབྲལ་དཀའ། ཞེ་སྡང་ནི་ཉེས་པ་ཆེ་ལ་འབྲལ་སླ། གཏི་མུག་ནི་ཉེས་པ་ཡང་ཆེ་ལ་འབྲལ་ཡང་དཀའ། ཞེས་གསུངས་པས་དང་པོ་ནས་མི་ཤེས་པ་གཏི་མུག་སྤོང་བ་གནད་ཟབ་པ་ཡིན་པས་བདག་ཅག་རྣམས་ཀྱི་འདི་སྤོང་བ་ལ་བརྩོན་འགྲུས་དང་རྟུལ་ཞུགས་ལ་འབད་པར་བྱ། གསུངས། །དེས་བཟླས་དྲངས་ནས། ༈ རྡོ་རྗེའི་གསུང་༡༩པ། དུད་འགྲོ་གཏི་མུག་ཆེ་པས་༼འགྲོ་བ་གཞན་ལས་༽དམན། བྱ་བ་འདི་གསུངས། །དེ་བས་ན་དམྱལ་བ་དང་ཡི་དྭགས་གཉིས་པོ་སྡུག་བསྔལ་དོས་དྲག་ནའང་དྲན་པ་གསལ་བས་གྲོལ་བ་དུད་འགྲོ་ལས་ཤིན་ཏུ་མྱུར་བའི་རྒྱུ་མཚན་གྱིས་སོ། ། ༈རྡོ་རྗེའི་གསུང་༢༠པ། ཉམས་པའི་ཉེས་པ་བས་མ་ཐོབ་པའི་ཉེས་པ་ལྕི། བྱ་བ་ནི་ལྷ་དང་བླ་མ་འཕགས་པ་དཀོན་མཆོག་གསུམ་དང་འབྲེལ་པ་བཞག་ཐུབ་པས་ལས་འབྲེལ་བསླུ་བ་མེད་པའི་རྒྱུ་མཚན་གྱིས་མི་གང་སྡོམ་པ་མ་ཐོབ་པ་ལས་ཐོབ་ནས་ཉམས་པ་མི་གང་གིས་གྲོལ་བ་མྱུར་དུ་འཐོབ་པར་གསུངས་ཏེ། ཀུན་མཁྱེན་བླ་མས། གསང་སྔགས་ཀྱི་དབང་ཐོབ་ནས་དམྱལ་བར་སྐྱེས་ཀྱང་ཆོག་པ་ཡིན་གསུངས་པ་བཞིན་ནོ། །མདོར་ན་འདུལ་ཚོམས་འདི་ཕྱོགས་ལྔ་འདུས་ཏེ། འདུལ་བའི་བཅས་འཁྲིམས་ནི། ༡རྒྱལ་བའི་བསྟན་པ་སྤྱི་ལ་ཁྱབ་ཕྱོགས། ༢བླངས་ད་མ་བླངས་འབྲས་བུ་མཉམ་ཕྱོགས། ༣བསླབ་པ་བྲལ་བ་ཉེས་པ་ཆེ་ཕྱོགས། ༤ལན་གཅིག་བླངས་པས་ཕན་ཡོན་ཆེ་ཕྱོགས། ལྷག་པར་མ་བླངས་ཉེས་པ་ཆེ་ཕྱོགས་ཏེ་ལྔས་བསྡོམ་མདོར་འདུས་ཏེ་གསུངས། །འདིས་གཙོས་དགོངས་གཅིག་གི་གསུངས་གོང་དུ་གསུངས་པ་ཕལ་ཆེ་བ་ཚིག་ངོ་གདོང་ལ་འགལ་འདུ་དང་འགྲེལ་པས་བཀྲལ་ཚེ་བསྟན་པ་སྨ་མེད་པ་ཞིབ་ཆ་དང་ལྡན་པ་ཉམས་ལེན་ཉམས་མྱོང་དང་འབྲེལ་བ་ལེགས་བཤད་རྨད་འབྱུང་དུ་གོའོ།། །།དགེ་བས་བསྟན་པ་རྒྱས་པ་ཤོག །བསྟན་པས་སེམས་ཅན་ལ་སྨན་ཤོག། །།

༥-༨ ༡༢ ༡༢ དགོངས་གཅིག་ཟིན་བྲིས།་།

ལྷ་རྗེ་སྒམ་པོ་པ་དགེ་སློང་རྡོ་རྗེ་འཛིན་པ་འཛམ་གླིང་གྲགས་པ།

 ༥ ༡༢ ༡༢ དགོངས་གཅིག་རྟེན་འབྲེལ་གནད་བསྡུས་ཀྱི་འཚོམས་༡༥ལས་རྡོ་རྗེའི་གསུང་༡པ། དགེ་སྡིག་གཉིས་སུ་ཐག་བཅད་ན། ལུང་མ་བསྟན་མེད། ཅེས་བྱ་བ་འདིའི་གནད་ལ་བསྡུ་ན། འཁོར་འདས་གཉིས་ཀྱི་ས་འཚམས། དགེ་སྡིག་གཉིས་ཀྱི་བཤན་འབྱེད་དོ། །རྒྱུ་མཚན་འདོར་བསྡུས་ན། ཉམས་སུ་ལེན་ཚུལ་ལ་དགག་སྒྲུབ་གཉིས་ལས་མེད་པས། མཐར་ཐུག་སངས་རྒྱས་པའི་དུས་ན་ལུང་མ་བསྟན་རྣམས་སྤང་དགོས་པས། མ་འདྲེས་པའི་ཆོས་བཅོ་བརྒྱད་ཀྱི་ཡ་གྱལ། མ་བརྟགས་པའི་བཏང་སྙོམས་མི་མངའ་བ་བྱ་བ་དེ་བྱུང་གསུང་། །༈ རྡོ་རྗེའི་གསུང་༢པ། རྟོག་གཉིས་ཅིག་ཆར་མི་འཇུག་ཅིང་སེམས་གཉིས་འགྲོགས་པར་མི་སྐྱེ། ཅེས་བྱ་བའི་རྒྱུ་མཚན་བསྡུ་ན་གང་ཟག་གཅིག་ལ་ཤེས་རྒྱུད་གཉིས་མེད་པ་དང་། ཆོས་ཐམས་ཅད་སྐད་ཅིག་མ་ཡིན་པ་དང་། ཡུད་ཙམ་རེར་སྤང་གཉེན་དུ་མ་སྐྱེས་འགག་བྱས་ཀྱང་ཕྱི་མ་ཕྱི་མ་སྐྱེས་པ་ན་སྔ་མ་སྔ་མ་འགག་པ་གསུམ་གྱིས། དགེ་མི་དགེ་བའི་རྟོག་པ་ལྷན་ཅིག་མི་སྐྱེ་པས་གཉེན་པོ་དགེ་བ་ལ་འབད་དགོས་པ་གསུངས་ཤིང་འབད་ན་མི་དགེ་བ་རྒྱུན་ཆད་པ་ལ་ཐེ་ཚོམ་མེད་གསུངས་པ་གོ་དགོས། །དེའི་ཕྱིར་སྔོན་གྱི་བཀའ་གདམས་དགེ་བཤེས་ཚོས། གང་ཚེ་རང་དབང་འཇུག་ཅིང་མཐུན་པ། །སོགས་ཤོལྐོ་འདི་ཉིན་རེ་ལན་རེ་མ་ཆད་པར་ཞལ་འདོན་གནང་སྲོལ་ཡོད་ཅེས་མཁན་པོས་གསུངས། །༈ རྡོ་རྗེའི་གསུང་༣པ། སེམས་ལས་བྱུང་བ་ལས་ཀྱང་སེམས་འབྱུང་ཕྱེ་བ། ཞེས་བྱ་བ་འདི་ལ་༼སེམས་ལས་སེམས་བྱུང་འབྱུང་བ་༽འདི་གཅིག་པུར་མ་ངེས་ཏེ། སེམས་འབྱུང་ལས་ཀྱང་སེམས་འབྱུང་བྱ་བ་འདི་ཡང་ཡོད་གསུངས། །༈ རྡོ་རྗེའི་གསུང་༤པ། འཁོར་བ་ལུས་འཁོར། བྱ་བ་ནི་བག་ཆགས་དང་རྗེས་སུ་མཐུན་པའི་ཟག་བཅས་ཀྱི་ལུས་ཕྲ་རགས་ཐམས་ཅད་ལ་གོ་ན་ཉེས་པ་མེད། །༈ རྡོ་རྗེའི་གསུང་༥པ། རྟེན་འབྲེལ་༡༢ཐམས་ཅད་མ་རིག་པས་གཡོས། །བྱ་བ་ནི་དོན་ཆེ་སྟེ། སྡུག་བསྔལ་གྱི་རྒྱུ་རྩ་བཀོག་བྱེད་པའོ། །

༦ ༡༢ ༡༢ དགོངས་གཅིག་རྟེན་འབྲེལ་གནད་བསྡུས་ཀྱི་འཚོམས་༡༥ལས་རྡོ་རྗེའི་གསུང་༦པ། རྟེན་འབྲེལ་༡༢སྐད་ཅིག་ལ་གཅིག་ལ་ཚང་། །བྱ་བ་འདི་དུས་རྒྱུན་བཞིན་རྟེན་འབྲེལ་ཚར་གཅིག་དང་གཞན་དེ་ཡང་ཚེ་གཅིག་དང་གཉིས་དང་གསུམ་ལས་མང་བ་ལ་རྫོགས་ཀྱང་འདིར་སྐད་ཅིག་རྫོགས་པ་ཡོད་པ་དགྲ་བཅོམ་པའི་སློབ་མ་ཞིག་སྐད་ཅིག་ལ་ཞེ་སྡང་དྲག་པོས་ཀླུར་གྱུར་པ་དང་མཁན་པོས་ཝ་ར་ཎ་སིར་རྒན་མ་ཞིག་སྟག་ཏུ་གྱུར་སོགས་གསུངསོ། ། ༈རྡོ་རྗེའི་གསུང་༧པ། སེམས་ཐ་དད་པའི་བབས་ཀྱིས་སྣང་བ་ཡང་ཐ་དད། བྱ་བ་འདི་ཆུ་ཀླུང་རྣག་ཁྲག་གི་དོན་དང་མཚུངས། །༈ རྡོ་རྗེའི་གསུང་༨པ། ད་ལྟ་ཉིད་དུ་གང་བསྒྲུབས་པའི་འབྲས་བུ་ལ་ལོངས་སྤྱོད། བྱ་བ་འདི་སྔོན་ལས་ལ་ཡ་ལག་མེད་པར་ད་ལྟའི་རྒྱུས་ད་ལྟར་འབྲས་བུ་ཐོབ་པས། ཆོས་ལ་སྙིང་པོ་ལོན་ཞེས་གདམས་ཏེ་རྗེ་མི་ལས། བརྐོས་པར་གྱུར་ན་ས་ལས་ཆུ་ཡང་ཐོན། །བསྲུབས་པར་གྱུར་ན་ཤིང་ལ་མེ་ཡང་འབར། །མིས་ནི་བརྩོན་འགྲུས་དང་འབད་བཅས་གྱུར་ན། །མི་འགྲུབ་པ་ནི་གང་ཡ་མེད་པར་གསུངས། །གསུངས། ཚེ་ད་རིང་ལ་སྒྲུབ་ཐུབ་པའི་ལོ་རྒྱུས་མང་པོ་གསུངསོ། །

༧ ༡༢ ༡༢ དགོངས་གཅིག་རྟེན་འབྲེལ་གནད་བསྡུས་ཀྱི་འཚོམས་༡༥ལས་རྡོ་རྗེའི་གསུང་༩པ། དུས་ཀྱི་འཕེལ་གྲིབ་ད་ལྟར་ཡང་ཡོད། བྱ་བ་ལ། ལོ་རྒྱུས་འདི་གསུངས་ཏེ། སྔོན་ཚེ་ལོ་བརྒྱད་ཅུ་ཐུབ་པའི་དུས་ན་རང་རེའི་སྟོན་པ་གདོལ་པ་སྟོབས་ཆེན་བྱ་བར་སྐུ་འཁྲུངས་པའི་ཚེ། སུས་སེམས་ཅན་གྱི་སྲོག་བཅད་ན་དེའི་སྲོག་༼ངས་༽གཅོད་པ་ཡིན་ཞེས་བསྒྲགས་པས། རིམ་བཞིན་མི་རྣམས་རིམ་བཞིན་མི་ཆོས་བཅུ་དྲུག་ལ་བཀོད་པས་ཚེ་ལོ་བརྒྱད་ཅུ་པ་དེ་ཚེ་ལོ་ལྔ་བརྒྱའི་བར་དུ་ཕེལ་བར་གསུངས། །༈ རྡོ་རྗེའི་གསུང་༡༠པ། ཚེ་འདི་རང་ལ་མཐོང་ཆོས་གཙོ་བོར་འབྱུང་། བྱ་བ་ལ་འདིར་ཞལ་སྔ་ནས། སྙིགས་དུས་འདིར་མཐོང་ཆོས་གཙོ་བོར་འབྱུང་སྟེ། བཅོམ་ལྡན་འདས་ཀྱིས་རྒྱལ་པོ་ཁྱེད་རང་གི་འབངས་ཐ་ཆད་སྨད་པ་ཞིག་བསྟན་པ་ལ་རབ་ཏུ་བྱུང་ནས་ཚུལ་བཞིན་བྱེད་པ་ཞིག་ཁྱེད་ཀྱི་དྲུང་དུ་བྱུང་ན་དེ་ལ་ཁྱོད་ཀྱིས་སྔོན་བཞིན་སྨོད་དམ་གསུངས་པར་མ་ཡིན་ཏེ་མཆོད་པ་དང་བསྐུར་བསྟིའི་གནས་སུ་གྱུར་གསུངས་པ་བཞིན། །སྤྱོད་འཇུག་ལས་ཀྱང་། བྱང་ཆུབ་སེམས་བསྐྱེད་གྱུར་ན་སྐད་ཅིག་གིས། །སོགས་གསུངས་པ་བཞིན། དེང་དུས་ལས་འབྲས་ཛུབ་མོའི་རྩེ་ལ་འཁོར་བྱ་བའི་གཏམ་དཔེ་བཞིན་ནོ། ། རྡོ་རྗེའི་གསུང་༡༡པ། མི་ཆོས་བཅུ་དྲུག་ལ་སོགས་པ་དང་ལྷ་ཆོས་གཅིག བྱ་བ་ལ་ཤེས་རབ་བརྒྱ་པ་ལས། མི་ཡི་ཆོས་ནི་ལེགས་སྤྱད་ན། །ལྷ་ཡུལ་འགྲོད་པ་ཐག་མི་རིང་། །ལྷ་དང་མི་འི་ཐེམ་སྐས་ལ། །འཛེགས་ན་ཐར་པ་གམ་ན་འདུག །ཅེས་གསུངས་སོ། །

༨ ༡༢ ༡༢ དགོངས་གཅིག་རྟེན་འབྲེལ་གནད་བསྡུས་ཀྱི་འཚོམས་༡༥ལས་རྡོ་རྗེའི་གསུང་༡༢པ། ཕལ་ཆེ་ཆུང་ལས། འབྲས་བུ་འཐོབ་པ་རྒྱུན་མི་ཆད་པ་འབྱུང་། བྱ་བའི་དོན་ནི་འབྲས་བུའི་དུས་དང་སྒྲུབ་པའི་དུས་ལ་སོགས་བསྟན་པའི་གནས་བབས་སྐབས་རྒྱུན་ཞུགས་སོགས་ཀྱི་འབྲས་བུ་མང་ཉུང་བྱུང་བ་ལས་དེང་སྐབས་ལུང་གི་དུས་མཐའི་སྐབས་ཀྱང་འབྲས་བུ་གཏན་མི་འབྱུང་བ་ནི་མ་ཡིན་པར་འབྱུང་རུང་ཡིན་པའི་དཔེ་ལོ་རྒྱུས་འགའ་གསུངས་ཏེ་ཟླ་བའི་སྙིང་པོའི་མདོ་ལས། བསྟན་པ་ནུབ་ཀའི་དུས་སུ་རྒྱལ་པོ་དཔུང་དམར་ཅན་གྱི་རིང་ལ་དགྲ་བཅོམ་པ་དེས་པ་འབྱུང་བ་དང་། །མཁའགྲོ་མ་དུས་བྱུང་ལས། ཚེ་ལོ་བཅུ་པའི་དུས་སུའང་རྒྱལ་པོ་རྡོ་རྟ་ཅན་གྱི་རིང་ལ་དགྲ་བཅོམ་པ་གཉིས་འབྱུང་བར་གསུངས་ཤིང་། །ཚེ་ལོ་བཅུ་པ་ནས་ཡར་ཕེལ་སྐབས་དྲུག་བརྒྱའི་བར་གནས་བརྟེན་བཅུ་དྲུག་འབྱུང་བར་གསུངས་ནས་རང་གིས་སྒྲུབ་ན་དུས་དང་གནས་ཚད་ལ་དེ་ཙམ་མི་ལྟོས་པས་ངེས་པར་ཆོས་བསྒྲུབ་དགོས་པར་གསུངས། ། ༈རྡོ་རྗེའི་གསུང་༡༣པ། ལྷག་པ་ཤེས་རབ་ཀྱི་བསླབ་པ་སྔོན་དུ་འགྲོ་བའང་ཡོད། བྱ་བ་ལ་ཞལ་སྔ་ནས། རྣམ་པ་ཐམས་ཅད་དུ་༼ཉམས་ལེན་ལ་བསླབ་གསུམ་གོ་རིམ་ཇི་བཞིན་པ་དེ་༽གཅིག་པུར་ཡང་མ་ངེས་ཏེ། ལྷག་པ་ཤེས་རབ་ཀྱི་བསླབ་པ་སྔོན་དུ་འགྲོ་བའང་ཡོད་གསུངས། །འདི་ལ་ནི་དབང་རྣོན་གྱི་སྐྱབས་སེམས་ལྟ་བུར་ཡིན་ནོ། །དེ་བཞིན་ལྟ་ཐོག་ནས་བསྒོམ་པ་འཚོལ་བ་དང་ཡང་མཚུངས་པ་ཡིན། །༈རྡོ་རྗེའི་གསུང་༡༤པ། ལམ་རིམ་ཐམས་ཅད་ཐུན་གཅིག་གིས་ཉམས་སུ་བླང་། བྱ་བའི་དོན་ནི། ལམ་ཡོངས་རྫོགས་ཤར་བསྒོམ་བྱས་ནས་སྐབས་སུ་གང་བབས་ལ་བརྩོན་པའི་དོན་ཡིན་སྙམ། །དཔེར་ན་ལམ་ཡོངས་རྫོགས་བསྡུས་པའི་ཉམས་ལེན་ལྔ་ལྡན་ལྟ་བུ། །༈རྡོ་རྗེའི་གསུང་༡༥པ། སངས་རྒྱས་མང་པོ་ཞིང་གཅིག་ཏུ་རྒྱུན་མི་ཆད་པར་འབྱུང་། བྱ་བ་ནི་དམ་པའི་ཆོས་པདྨ་དཀར་པོ་གསུངས་པའི་ཚེ་དེ་བཞིན་གཤེགས་པ་རིན་ཆེན་མང་ལ་སོགས་པ་སངས་རྒྱས་དཔག་ཏུ་མེད་པ་བྱོན་ནས་ཞིང་འདི་ཏིལ་གྱི་གང་བུ་ལྟར་གང་བ་གསུངས་པ་ལ་སོགས་ལ་དགོངས་ནས་གསུངས་ཡིན། །རྟེན་འབྲེལ་གནད་བསྡུས་ཀྱི་ཚོམས་༡༥རྫོགས་སོ།། །།

རྗེ་མི་ལ་ལ་ར་འདའ་སློག་པ། །

 ཡུལ་སྐྱ་རྔ་ཙ་ལ་ལྟེ་ཁྲག་བཅད། །གྲོ་བོ་ལུང་ལ་བླ་མ་བསྟེན། །དབེན་གནས་གངས་བྲག་ལ་རྒྱན་དུ་བྱས། །སྒྲུབ་བརྒྱད་ཀྱི་བསྟན་པའི་སྲོག་རྩ་ཞེས། །ས་གསུམ་ན་ཁྱབ་པའི་སྙན་གྲགས་ཅན། །ཁྱེད་མི་ལ་བཞད་པ་མ་ཡིན་ནམ། །ཁྱེད་ང་གཉིས་ལུས་ལ་ཁྱད་མེད་ཡང་། །སེམས་རྟོགས་པ་གནམ་སས་ལ་བཤན་ཕྱེ། །འོན་ཀྱང་བདེ་གཤེགས་སྙིང་པོར་གཅིག །ཚུལ་དགོངས་ཏེ་སེམས་ལའང་བྱིན་གྱིས་རློབས། །སྐྱ་རྔ་ཙ་ཡི་ཞེན་ཁོག་གིས། །ལུས་ལའང་བྱིན་གྱིས་བརླབ་ཏུ་གསོལ། །བསྟན་པ་ཕྱོགས་བཅུར་ཕེལ་བའི་ཕྱིར། །ལས་ལའང་རླུང་རྟ་དར་བ་མཛོད། །དེང་སང་ལུང་པ་གཅིག་པའི་བུར། །མཐུ་ཆེན་རྒྱལ་འགོང་གིས་བར་ཆད་བྱས། །སེམས་ནི་ཡེད་ཡེད་ལས་ཆོས་མ་ནུས། །ཉམས་ཆུང་དུ་གྱུར་ནས་གཞན་ཕན་མེད། །དལ་འབྱོར་བཟང་པོ་དེ་ཆུད་ཟོས་ལ་གནས། །མི་ཕལ་ཡང་ལུང་གཅིག་ཞེན་ཁོག་བྱེད། །དོན་མེད་ཀྱི་བྱ་བར་ཡང་ར་འདའ་སློག །ཁྱེད་འཇིག་རྟེན་ལ་ཨ་ཕོ་མཐུ་ཆེན་ཟེར། །ཆོས་ངོས་ནས་རྡོ་རྗེ་འཆང་ཆེན་དངོས། །ཅི་ཕྱིར་་བུ་ང་ཡལ་བར་དོར། །དོན་ཆེན་ལ་ར་འདའ་ཅིས་མི་སློག །སྔོན་དུས་བིནཡྐ་བཏུལ། །བདུད་དམག་བྱེ་བ་ཕམ་པར་མཛད། ད་ལྟ་རྒྱལ་འགོང་འདུལ་བར་མཛོད། བུ་དད་པ་ཅན་གྱི་བར་ཆད་སོལ།། །།མི་ལ་ཁྱེནོ།།མི་ལ་ཁྱེནོ།།མི་ལ་ཁྱེནོ།

Like གྲོགས་མོ་གངས་དཀར་མཚོའི་ངོ་དེབ་ལ་མི་ལིའི་སྐུ་དཔར་འགྲེམས་པར་གསོལ་འདེབས་ཐལ་ལོ།

༣-༤ ༡༢ ༡༢ དགོངས་གཅིག་བྲིས། །

ཆོས་ཉིད་རྒན་མོ་ཨཕྱི་ལ་ན་མོ།

༣ ༡༢ ༡༢ དགོངས་གཅིག་ཆོས་འཁོར་འཚོམས་༣༠ལས་རྡོ་རྗེའི་གསུང་༢༥པ། བདག་པོ་འཕོས་པས་སྡོམ་པ་གསུམ་དུ་འོང་། ཞེས་བྱ་བའི་འདིའི་དོན་བསྡོམ་ལ། དཔེ་རྒྱལ་བློན་འབངས་གསུམ་གྱིས་གསེར་རྒྱན་འདོགས་ཚུལ་དང་ཟས་བཅུད་བསྟེན་པའི་དཔེས་མཚོན་སྟེ། འབངས་ཀྱིས་ཟས་བཅུད་བསྟེན་ཀྱང་བྱ་བ་ཕལ་པ། བློན་པོས་དེ་ལས་རྒྱ་ཆེ། རྒྱལ་པོས་དེ་ལས་རྒྱ་ཆེ་བ་ལྟར་དོན་དབང་པོ་རབ་འབྲིང་མཐའ་གསུམ་གྱིས་སྔགས་བྱང་སེམས་སོ་ཐར་གྱི་འཁྲིམས་སོ་སོར་བསྲུང་ཀྱང་དོན་མི་དགེ་བ་བཅུ་སྲུང་པ་ལས་ལོགས་སུ་མེད་གསུངས། །༈རྡོ་རྗེའི་གསུང་༢༦པ། ཁམས་རང་བཞིན་གྱི་རྣམ་དག་༼ལ་༽བྲལ་འབྲས་ཡོན་ཏན་དང་ལྡན། ཞེས་བྱ་བ་ལ་བསྡོམས་ནི། ལྷ་མོ་དཔལ་འཕྲེང་གིས་ཞུས་པའི་མདོ་ལས། དེ་བཞིན་གཤེགས་པའི་སྙིང་པོ་ནི་༼སྐྱོན་དང་༽བྲལ་ཤེས་པ། དབྱེར་ཡོད་པ། ཉོན་མོངས་པའི་སྦུབས་ཀྱིས་སྟོང་པ། ༼ཡོན་ཏན་དང་༽བྲལ་མི་ཤེས་པ། རྣམ་པ་དབྱེར་མེད་པར་སངས་རྒྱས་ཀྱི་ཆོས་གངྒའི་ཀླུང་གི་བྱེ་མ་སྙེད་ལས་འདས་པའི་ཡོན་ཏན་དང་ལྡན་པའོ། །ཞེས་པའི་མཚོན་སྙམ། །༈རྡོ་རྗེའི་གསུང་༢༧པ། བྱང་ཆུབ་ཀྱི་ཕྱོགས་ཆོས་སུམ་རྩ་བདུན་དེ་བཞིན་གཤེགས་པའི་སྙིང་པོར་ཡོད། འདི་ནི་རྡོ་རྗེའི་གསུང་༢༥པའི་འཕྲོས་དོན་ཡིན་གསུངས། །

༤ ༡༢ ༡༢ དགོངས་གཅིག་ཆོས་འཁོར་འཚོམས་༣༠ལས་རྡོ་རྗེའི་གསུང་༢༨པ། ཚད་མེད་པ་བཞི་དེ་བཞིན་གཤེགས་པའི་སྙིང་པོ་དང་སངས་རྒྱས་ཀྱི་ངོ་བོ་ཉིད། ཅེས་བྱ་བ་ནི་གོང་གི་གསལ་སྟོན་ནོ། །ཡང་ཕག་གྲུས། དེ་བཞིན་པའི་སྙིང་པོ་ཀུན་རྫོབ་ཀྱི་ཆ་ནས་ངོས་འཛིན་ན། ཁྲ་དང་སྤྱང་ཀི་ལ་སོགས་པ་གཅན་ཟན་དག་ཀྱང་རང་གི་བུ་སྨད་ལ་བྱམས་སྙིང་རྗེ་སྐྱེ་བ་དེ་ཡིན་གསུངས། །༈ རྡོ་རྗེའི་གསུང་༢༩པ། རྒྱལ་བའི་དགོངས་པ་རིགས་གཅིག་ཐེག་པ་གཅིག ཅེས་བྱ་བ་འདི་ལ་ལུང་ཡང་མཁན་པོས་སྒྲུང་འདི་གསུངས་སྟེ། སྤྱན་སྔ་ཤེར་འབྱུང་གིས་གསུམ་མགོན་ལ་ཁྱེད་དག་ཞིང་གང་ལ་ཕེབས་རྒྱུ་ཡིན་ཞེས་ལན་གསུམ་གྱི་བར་དྲིས་ཀྱང་དྲི་བ་གསུམ་ཀར། ང་ནི་ཕྱག་རྒྱ་ཆེན་པོ་སུས་བསྒོམ་ན་དེའི་མདུན་དུ་ཡོད་ཅེས་དགོངས་པ་ཕྱག་རྒྱ་ཆེན་པོར་གཅིག་ཏུ་འདྲེས་པའི་རྟགས་ཡིན་ཞེས་སྤོབས་དད་ཆེན་པོས་གསུངས། ། ༈རྡོ་རྗེའི་གསུང་༣༠པ། ལོག་སྲེད་ཅན་དང་ཉན་ཐོས་ཀྱང་མཐར་བྱང་ཆུབ་ཆེན་པོར་འགྱུར། ཞེས་བྱ་འདི་སླར་ཡང་གལ་པོ་ལ་ནན་ཏན་གྱིས་གསུངས། འདིའི་དོན་ལུང་གཙོ་བོ་འདྲེན་ཏེ། ཟླ་སྒྲོན་མདོ་ལས། བདེ་གཤེགས་སྙིང་པོས་འགྲོ་བ་ཡོངས་ལ་ཁྱབ། །འདི་ན་སྣོད་མིན་སེམས་ཅན་གང་ཡང་མེད། །ཅེས་གསུངས་ཤིང་། ཆེད་འཚོམས་ལས། བདག་ཉིད་བདག་གི་མགོན་ཡིན་གྱི། །གཞན་ལྟ་སུ་ཞིག་མགོན་དུ་གྱུར། ། བདག་ཉིད་བདག་གི་མགོན་གྱུར་བའི། །མཁས་པས་དོན་རྣམས་ཐོབ་པར་འགྱུར། །ཞེས་ཤོལྐོ་ཕྱི་མ་ཕྱེད་དེ་གསར་དུ་གོ་བས་འདིར་བྲིས། །དེ་བཞིན་འདིའི་སྐབས་སུ་མཁན་པོས། དང་པོ་བླ་མར་བླ་མ་བསྟེན། །བར་དུ་དཔེ་ཆར་བླ་མ་བསྟེན། །མཐའ་མར་རང་སེམས་བླ་མ་བསྟེན། །ཞེས་པ་ནི་ཉམས་མྱོང་གིས་ཚིག་གོ །ཆོས་འཁོར་གྱི་ཚོམས་༣༠རྫོགས་སོ།། །།

༣༠-༢ ༡༡ ༡༢ དགོངས་གཅིག་ཟིན་བྲིས།

༣༠ ༡༡ ༡༢ དགོངས་གཅིག་ཆོས་འཁོར་འཚོམས་༣༠ལས་རྡོ་རྗེའི་གསུང་༡༢པ། ལམ་ཐམས་ཅད་ས་བཅུས་བགྲོད། ཞེས་བྱ་བ་དང་། ༈ རྡོ་རྗེའི་གསུང་༡༣པ། ལམ་ཐམས་ཅད་རིམ་གྱིས་འཇུག ཅེས་བྱ་བ་འདི་གཉིས་སྒྲུབ་ཚུལ་གཅིག་འདྲ་སྟེ། འགྲེལ་པ་ལས། དཔེར་ན་གོས་བརྒྱད་དམ་བཅུ་བརྩེགས་ནས་མང་པས་མདའ་རྒྱབ་ན་མདའ་ཤུགས་ཆེ་བ་ཀུན་གྱིས་དུས་གཅིག་ལ་ཕུག་ནས་འགྲོ་སྟེ། དེ་ཡང་ཕྱི་མ་མ་ཕུག་པར་ནང་མ་བརྒྱད་པའམ་བཅུ་པ་དེ་ཕུག་པ་མ་ཡིན། རིམ་པ་བཞིན་དུས་གཅིག་ལ་ཕུག་པ་དང་འདྲ། མདའ་ཤུགས་ཆུང་བས་གཅིག་གཉིས་གསུམ་བཞི་ནས་བརྒྱད་དམ་བཅུའི་བར་རིམ་པ་བཞིན་དུ་༼ག་ལེར་༽ཕུག་པ་དང་འདྲ་སྟེ། ཞེས་གསུངས་པ་དཔེ་དེས་གོ་ནུས་སོ། །

༈ རྡོ་རྗེའི་གསུང་༡༤པ། ཤེས་སྒྲིབ་སྔོན་ལ་སྤོང་བ་ཡང་ཡོད། ཅེས་བྱ་བ་ནི་དུས་རྒྱུན་བྱང་ཆུབ་སེམས་དཔའ་རྣམས་ཀྱིས་ཤེས་སྒྲིབ་སྤང་བྱ་གཙོ་བོར་བྱས་ནས་སྤངས་པས་ཉོན་སྒྲིབ་སོགས་སྒྲིབ་པ་གཞན་རྣམས་ཞར་ལ་སྤོང་བ་དང་ཆོས་མཚུངས་སྙམ། །

༈ རྡོ་རྗེའི་གསུང་༡༥པ། ཚད་མ་སངས་རྒྱས་ཀྱི་ཡེ་ཤེས། འདིའི་སྐབས་རྣམ་འགྲེལ་གྱི་ཚད་མའི་ལེའུ་གསུངས། ། ༈ རྡོ་རྗེའི་གསུང་༡༦པ། ཚད་མའི་འབྲས་བུ་ཆོས་ཉིད་སྟོང་པ་ཉིད། འདི་ལ་མངོན་སུམ་བཞིས་ཆོས་ཉིད་རྟོགས་ཚུལ་གསུངས་ཏེ། དབང་མངོན་གྱིས་མ་རྟོགས། ཡིད་མངོན་གྱིས་དོན་སྤྱི་ཚུལ་གྱི་རྟོགས། རང་རིག་གིས་ཞི་གནས་སྒྲུབ། རྣལ་འབྱོར་གྱིས་ལྷག་མཐོང་སྒྲུབ་ནས་ཆོས་ཉིད་མངོན་སུམ་དུ་རྟོགས་ཞེས་སྔར་མ་ཐོས་པ་ཞིག་གསུངས་ཏེ། འགྲེལ་པ་ལས། ཕྱི་མ་གཉིས་ཀྱིས་ཞི་གནས་དང་ལྷག་མཐོང་གི་ཏིང་ངེ་འཛིན་སྒྲུབ་ཚུལ་ཡོད་པས། ཏིང་ངེ་འཛིན་གཉིས་པོ་དེས་ཆོས་ཉིད་རྟོགས་པར་ཐམས་ཅད་མཐུན་ཏེ། ཞེས་གསུངས། །༈ རྡོ་རྗེའི་གསུང་༡༧པ། གྲུབ་མཐའ་འཛིན་པ་ཐམས་ཅད་རང་རྒྱུད་པ། ཞེས་བྱ་བའི་བསྡོམ་ནི། འཛིན་པ་བྱུང་ན་ལྟ་བ་མིན། །གསུངས་པ་ལྟར་རེད་གསུངས། །

༡ ༡༢ ༡༢ དགོངས་གཅིག་ཆོས་འཁོར་འཚོམས་༣༠ལས་རྡོ་རྗེའི་གསུང་༡༨པ། མུ་སྟེགས་པ་ལའང་གཤིས་ཀྱི་དགེ་བ་བསྒྲུབ་བྱ་མང་པོ་ཡོད། །ཅེས་བྱ་བ་འདི་འཇམ་མགོན་མི་ཕམ་པས། བཅོམ་ལྡན་འདས་ཀྱིས་བདུད་སྡིག་ཅན་གྱིས་ཆོས་འཆད་པ་ལ་ལེགས་སོ་གསུངས་པ་བཞིན་རེད་འདུག །༈ རྡོ་རྗེའི་གསུང་༡༩པ། ཕྱི་ནང་གི་ཁྱད་པར་སྐྱབས་སུ་འགྲོ་བ། ༈རྡོ་རྗེའི་གསུང་༢༠པ། ཐེག་པ་ཆེ་ཆུང་གི་ཁྱད་པར་སེམས་བསྐྱེད། །

༢ ༡༢ ༡༢དགོངས་གཅིག་ཆོས་འཁོར་འཚོམས་༣༠ལས་རྡོ་རྗེའི་གསུང་༢༡པ། སྔགས་མཚན་ཉིད་ཀྱི་ཁྱད་པར་དབང་། །ཞེས་བྱ་བ་འདི་ལ་མདོས་ཚེ་གཅིག་ལ་བྱང་ཆུབ་སྒྲུབ་པ་ཡོད་པ་དཔེ་གཅིག་ལ་འདི་ལྟར། བརྒྱད་སྟོང་ལས་བྱང་སེམས་རྟག་ཏུ་ངུ་ཤེར་ཕྱིར་འཚོལ་བར་ཞུགས་དུས་ཚོགས་ལམ་ཆུང་ངུ་། དེ་བཞིན་གཤེགས་པས་ཁྱོེད་ཤར་ཕྱོགས་སུ་སོང་ཞིག་དང་། ཤེར་ཕྱིན་ཐོས་པར་འགྱུར་རོ། ཞེས་ལུང་བསྟན་པའི་དུས་ཚོགས་ལམ་འབྲིང་། དེ་ལ་བརྟེན་ནས་ཏིང་ངེ་འཛིན་གྱི་སྒོ་མང་པོ་ཐོབ་པའི་དུས་ཚོགས་ལམ་ཆེན་པོ། བརླ་གཡས་པ་ཤ་མེད་པར་བཏོགས་ནས་རུས་པ་བརྩིགས་པའི་དྲུང་དུ་བཅོག་པར་སོང་བའི་དུས་སྦྱོར་ལམ་ངེས་འབྱེད་ཆ་བཞིའི་གཉིས་པ་བཟོད་པ། བདེན་པའི་བྱིན་རླབས་ཅི་བཞིན་གྲུབ་པ་ནམཁའ་མཛོད་ཀྱི་ཏིང་ངེ་འཛིན་ལ་དབང་། དེ་མ་གྲུབ་བར་སྦྱོར་ལམ་མི་འོང་བས་དེ་གྲུབ་པས་སྦྱོར་ལམ་གཞན་རྣམས་སོང་ཟིན། ཆོས་འཕགས་ཀྱི་དེ་བཞིན་གཤེགས་པ་འགྲོ་མེད་པར་གསུངས་པས་ས་དང་པོ་ཆོས་ཉིད་ཀྱི་བདེན་པ་མཐོང་། ཆོས་འཕགས་ལོ་བདུན་ཏིང་ངེ་འཛིན་ལ་བཞུགས་དུས་རྟག་ཏུ་ངུས་མ་དག་ས་བདུན་གྱི་ས་ནོན། ཆོས་འཕགས་ཏིང་ངེ་འཛིན་ལས་བཞེངས་ནས་ཆོས་ཐམས་ཅད་མཉམ་པ་ཉིད་གསུངས་པས་ས་བརྒྱད་པ་ནོན། མཉམ་པ་ཉིད་སྤྲོས་པའི་ཚུལ་གྱིས་དགུ་པ་ནོན། སྟོང་ཉིད་རྒྱུ་འབྲས་སུ་འབྱུང་བའི་དོན་བསྟན་པས་ས་བཅུ་པ་ཐོབ་སྟེ། ལོ་བདུན་གྱིས་འབྲས་བུ་གྱ་ནོམ་པ་ཐོབ་པ་འདི་མཚན་ཉིད་ཐེག་པ་ལ་ཡོད་པས་བྱང་ཆུབ་སེམས་དཔའ་རྟག་ཏུ་ངུས་ཚེ་གཅིག་གིས་ཐོབ་པའི་ཡོན་ཏན་དང་མངོན་རྟོགས་དེ་ལས་མཐོ་བ་ནི་སྔགས་ཀྱི་སློབ་དཔོ་ཨིནྡྲ་བོ་དྷི་ལ་འང་མེད་པ་དང་།ཞེས་གསུངས་པ་འདི་སྔར་གཞན་དུ་མ་ཐོས་སོ།། །།༈ རྡོ་རྗེའི་གསུང་༢༢པ། སྔགས་མཚན་ཉིད་གང་མེད་ཀྱང་རྫོགས་པའི་བྱང་ཆུབ་མི་འཐོབ། །༈རྡོ་རྗེའི་གསུང་༢༣པ། སྡོམ་པ་གསུམ་ཡང་སྤང་བྱ་མི་དགེ་བ་བཅུ་སྤོང་བ། །ཞེས་བྱ་བ་འདི་བསྡོམས་ལ། འཇིག་རྟེན་གསུམ་མགོན་གྱིས། སོ་སོར་ཐར་དང་བྱང་ཆུབ་སེམས། །རིག་འཛིན་སྔགས་ཀྱི་བསྡོམ་པ་ཡིས། །དམ་ཚིག་སྡོམ་པ་གང་བསྲུང་བ། །ཉོན་མོངས་དུག་གསུམ་སྤོང་བར་བྱ། །ཞེས་གསུངས།། །།