༈ དངོས་གནས་རྟེན་འབྲེལ་ཞེས་པ་དེ་ལ་ཡ་མཚན་མིན་འདུག་ཟེར་ན་ནི་ཏོག་ཚོད་ཡོད་པའི་བཟོ་འདུག
།ངས་ད་ནས་བསམ་མནོ་བཏང་ན་ལོ་བཅུའི་ཚོད་སྔོན་ལ་འབྲི་གུང་མཁན་ཆེན་དཀོན་མཆོག་རྒྱལ་མཚན་མཆོག་ལ་ང་དགོངས་གཅིག་གི་འཁྲིད་གཅིག་ཞུ་སྙིང་འདོད་ཀྱི་འདུག
དེའི་འཁྲིད་གཅིག་གནང་རོགས་ཞུས་ཀྱང་ད་ལྟ་ཡོང་གི་མ་རེད་མ་འོངས་པར་ངས་བྱེད་ཆོག་གསུངས་ནས་དཔེ་ཆ་འང་གནང་།
།ངས་བསམ་པར་ལོ་རེ་གཉིས་རྗེས་སུ་ཐོབ་ཡོང་བསམ་ཀྱང་གཏན་མ་བྱུང་།
ད་ལོ་མང་པོ་ཕྱིན་ཙང་གཏན་ནས་ཐོབ་ས་མ་རེད་བསམ།
དཔེ་ཆའང་གང་དུ་བཞག་མེད་མ་ཤེས་ཙམ་དུ་ཐོར།་།ཁྱད་མཚར་ད་ལོ་དྷ་རམ་ས་ལར་དགུན་ཁ་བསྡད་ན་འཁྱག་ཡོང་བསམ་ནས་ལྷོ་ཕྱོགས་ལ་༸གོང་ས་མཆོག་གི་གསུང་ཆོས་དང་སྟབས་བསྟུན་དགུན་ཁ་ལྷོ་ཕྱོགས་ལ་སྐྱིད་པོ་བྱེད་བསམ་པ་ཡོད་པ་མ་ཚད་འགྲོ་རོགས་ཀྱང་ཐེབས་ནས་ཟླ་༡༡ཚེས་༢༡དགོང་མོར་རྡ་སའི་གསུང་ཆོས་ཚར་པ་དང་ཐོན་རྒྱུ་ཐག་བཅད།
འོན་ཀྱང་ཚེས་༡༧ཞོགས་པར་གྲོགས་པོས་ཁ་པར་སླེབས་ནས་བཤད་དོན།
ད་ལྟ་འབྲི་གུང་ལ་མཁན་ཆེན་དཀོན་རྒྱལ་མཚན་གྱིས་དགོངས་གཅིག་གནང་གི་འདུག་ང་ཡང་འགྲོ་གི་ཡོད་ཁྱེད་རང་ཡོང་ན་ཁང་པ་དང་ཁ་ལག་ངས་འབུལ་ཆོག་ཟེར།
།དེ་ནས་ང་ནི་ཅི་བྱེད་འདི་བྱེད་མ་བྱུང་།
འགྲོ་བ་ལ་ནི་ལྷོ་ཕྱོགས་ལ་འགྲོ་རྒྱུའི་གྲོགས་དང་སྟབས་བསྒྲིགས་ཚར་པ་ཡིན། །མ་འགྲོ་ན་ནི་ལོ་བཅུ་ཚོད་གོང་གི་རེ་བསྒུག་གཅིག་ད་རེས་འདུག་ཅིང་མ་འོངས་པར་དཀའ་མོ་ཡིན་པས་ཅི་དྲག་སྙམ།་།ད་དུས་ཚོད་མིན་འདུག་པས་ཐག་རྦད་ཀྱིས་བཅད་ནས་འགྲོ་རོགས་ལ་ད་དགོངས་པ་ཁྱོན་ནས་མ་འཚོམ་ང་དྷ་ར་དྷུན་ལ་འགྲོ་དགོས་བྱུང་སོང་བས་བྱ་ཐབས་མིན་འདུག་ཞུས་པས་ཁོ་རླུང་གིས་འཁྱེར་ནས་ང་ལས་ཆུང་བ་ཡིན་ཡང་ཁོས་ཁ་བཀྱོན་པ་ལ་བཟོད་སྒོམ་མ་བྱེད་རང་བྱེད་ཀྱིས་མཐར་ངས་ཁྱོད་ལ་ལྷོ་ཕྱོགས་ལ་འགྲོ་རྒྱུའི་ལམ་མགྲོན་སྒོར་༢༥༠༠འབུལ་ཆོག་དགོངས་དག་ངས་རྐང་བཙུགས་ནས་བྱས་མེད་ཆོས་དེ་ངས་ལོ་ལྔ་འམ་བཅུའི་ཚོད་གོང་ནས་འགུག་ཡོད་བྱས་པས་ཁོ་རླུང་ཤི་སོང་།
།ད་ང་རོགས་པ་གཞན་པ་འཚོལ་བ་ལས་འོས་ཡོད་མ་རེད་ཟེར་ནས་ཆད།
།ཁྱད་མཚར་ངས་ལས་ཀ་ཞིག་བྱེད་དུས་ཡིན་གཅིག་ཟང་ང་ཟིང་ངེ་གཅིག་ཡོང་དགོས་ཀྱི་ཡོད་པ་འདྲ།
།ད་གང་ལྟར་དགོངས་གཅིག་ཞུ་བའི་གོ་སྐབས་ཐོབ་ནས་ད་ལྟ་དགོངས་གཅིག་ཞུ་བཞིན་ཡོད་དོ།། །།
 |
| སྐྱོབ་པ་འཇིག་རྟེན་གསུམ་མགོན་ལ་ན་མོ། |
༈ དགོངས་གཅིག །སྐྱོབ་པ་འཇིག་རྟེན་གསུམ་མགོན་དགུང་ལོ་༣༥ལ་སངས་རྒྱས་ནས་༧༣བར་ལོ་ངོ་༤༠ཚོད་ཆོས་གསུངས་པ་རྣམས་ལས་རྡོག་ཧྲིལ་གྱིས་ཉམས་ལེན་དུ་དྲིལ་ནས་སྤྱན་སྔ་ཤེས་རབ་འབྱུང་གནས་ཀྱིས་གསུངས་པའི་དམ་ཆོས་པའི་དགོངས་པ་གཅིག་པ་ལ།
རྩ་བ་རྡོ་རྗེའི་གསུང་བརྒྱ་ལྔ་བཅུ་པ་འཚོམས་དུ་བདུན་བཅད་པ་དང་། ལྷན་ཐབས་རྡོ་རྗེའི་གསུང་བཞི་བཅུ་པ་སྟེ་བསྡོམས་རྡོ་རྗེའི་གསུང་ཉི་བརྒྱ་ཡོད་དོ།
།དེ་བཞིན་འདུལ་བའི་འཚོམས་ཞིག་ལོགས་སུ་ལྷན་ཐབས་ཡོད། །དེ་བཞིན་འཆིངས་རྣམ་པ་བཞི། ས་བཅད།
ཁོག་དབུབ་དང་བཅས་པ་འདུག་གོ། །།ཀུན་གྱི་བསྡོམས་ཆེན་ནི། རྡོ་རྗེའི་གསུང་ཚིག་དང་པོ། སངས་རྒྱས་ཀྱི་ཆོས་ཐམས་ཅད་བབས་ཀྱི་གནས་ལུགས་བསྟན།
ཞེས་བྱ་བ་འདི་ལ་དམ་ཆོས་དགོངས་གཅིག་གནད་ཐམས་ཅད་འདུས་གསུངས། དེའི་དོན་ནི་སངས་རྒྱས་ཀྱིས་གང་གསུངས་པ་རྣམས་རང་འཚམས་ཀྱིས་གསུངས་པ་མ་ཡིན་པར་རྟེན་འབྲེལ་གྱི་བགྲོས་ཆོས་ཀུན་གྱི་གཤིས་སམ་བབས་ཀྱི་གནས་ལུགས་ལས་མི་འདའ་བར་གསུངས།
དེས་ན་དེ་ལས་མ་འཕྲོས་པའི་ཆོས་གཞན་གསུང་རྒྱུ་མེད་པས་རྡོ་རྗེའི་གསུང་དང་པོ་དེ་ནི་དགོངས་གཅིག་ལུས་ཡོངས་སུ་རྫོགས་པ་སྙིང་བསྡུས་ཆེན་པོ་ཡིན་གསུངས་སོ།།
།།ང་རང་ལ་ཉམས་མྱོང་བྱུང་བ་ལྟར་ན་དབུ་ཕར་བལྟས་ཟིན་པ་ཞིག་བལྟ་ན་བཟང་ཞིང་གང་གིས་ན་འདི་ནི་བོད་ཀྱི་སངས་རྒྱས་ཀྱི་བསྟན་པ་ཐེག་པ་ཆེ་ཆུང་སྔགས་དང་བཅས་པའི་ཞིབ་ཆ་ཡག་པོ་ཞིག་རེད་འདུག་སྙམ་པས་ཚོར་བ་བྱུང་།
།མཁན་པོས་ནི་ཉམས་ལེན་གཙོ་བོར་སྟོན་པའི་གསུང་ཡིན་པས་ཉམས་ལེན་ཡག་པོ་གནང་དགོས་པའི་བསྐུལ་མ་རྟག་ཏུ་གནང་ངོ་།།
།།ད་ལྟ་མཁན་པོས་སྤྱན་སྔ་རྡོ་རྗེ་ཤེས་རབ་ཀྱི་དགོངས་གཅིག་འགྲེལ་ཆེན་སྣང་མཛད་ཡེ་ཤེས་སྒྲོན་མེ་གསུངས་བཞིན་ཡོད་དོ།། །།
No comments:
Post a Comment