༄༅། །རྟ་མགྲིན་གསོལ་འདེབས། །
༈ སྙིང་དབུས་ཟངས་མདོག་དཔལ་རིའི་ཕོ་བྲང་ནས།
།པདྨ་ཐོད་འཕྲེང་དམར་ནག་མེ་ཡི་འཕྲེང་། །ཧྲཱིཿཡིག་ལས་སྐྱེས་བཛྲ་ཀྲོ་དྷ་ཞེས། །ཧ་ཡ་གྲཱྀ་ཝ་བགེགས་ལ་རྔམ་པའི་ཞལ།
།ཧུ་ལུ་ཧུ་ལུ་ཧཱུཾ་དང་ཕཊ་ཀྱི་སྒྲས། །ཁམས་གསུམ་དབང་དུ་སྡུད་ལ་ཕྱག་འཚལ་ལོ། །སྤྱན་རས་གཟིགས་དབང་ཐུགས་རྗེའི་ཆོ་འཕྲུལ་ལས།
།ལེགས་འཁྲུངས་མཐུ་སྟོབས་འཕྲིན་ལས་འོད་བརྒྱར་འགྱེད། །དངོས་གྲུབ་འདོད་དགུ་སྩོལ་བའི་བསམ་འཕེལ་དབང་།
།ཡེ་ཤེས་མགོན་པོའི་ཞབས་ལ་ཕྱག་འཚལ་ལོ། །དྲེགས་སྡེ་ཁམས་བརྒྱ་དམུས་ལོང་ཁྱི་སྤྱང་འབྲུག
།གིང་ལྔ་གཟའ་གདོང་ལྕམ་སྲིང་ལས་མཁན་བཅས། །འདིར་གཤེགས་དམ་རྫས་མཆོད་གཏོར་རྒྱ་ཆེན་བཞེས།
།རྣལ་འབྱོར་བདག་ཅག་དཔོན་སློབ་འཁོར་བཅས་ཀྱི། །ཚེ་དང་བསོད་ནམས་དཔལ་དང་འབྱོར་པ་སོགས། །ཞི་རྒྱས་དབང་དྲག་བཅོལ་བའི་འཕྲིན་ལས་མཛོད།
།
No comments:
Post a Comment